បវរកញ្ញាជប៉ុនស្បែកខ្មៅរងការរិះគន់យ៉ាងចាស់ដៃ

2015-03-26 16:28:22
ចំនួនមតិ 0 | ចំនួនចែករំលែក 0

ចន្លោះមិនឃើញ

បវរកញ្ញាកូនកាត់ពីរបីសាសន៍មួយរូបកំពុងប្រឈមនឹងការរិះគន់ថានាងពុំមានរូបសម្បត្តិគ្រប់គ្រាន់តំណាងឲ្យប្រជាជនជប៉ុននោះទេ។ នេះបើយោងតាមទូរទស្សន៍អាមេរិក CNN។

នាង Nagasaki Ariana Miyamoto ដែលមានម្ដាយជាជនជាតិជប៉ុន និងឪពុកជាជនជាតិអាម៉េរិកាំងស្បែកខ្មៅ គឺជាបវរកញ្ញាជប៉ុនដំបូង ដែលជាកូនកាត់ច្រើនសាសន៍។

អ្នកខ្លះរិះគន់ថា នាង Miyamoto មើលទៅមិនដូចប្រជាជនជប៉ុននោះទេ និងមិនសមតំណាងប្រជាជនជប៉ុននោះឡើយ ខណៈអ្នកផ្សេងទៀតបែរជាអបអរទៅដល់នាងថា នារីកូនកាត់រូបនេះកំពុងបង្ហាញឲ្យគេស្គាល់ថា អ្វីជាអត្ថន័យពិតនៃជនជាតិជប៉ុន។

ក្នុងវប្បធម៌ដែលគិតថា ជនជាតិជប៉ុនពិត គឺមានសម្បុរស ទើបជានិមិត្តរូបនៃភាពស្រស់ស្អាត។ ការផ្លាស់ប្ដូរផ្នត់គំនិតនេះអាចនឹងពិបាក។

ការដើរនៅតាមដងវិថីកាលពីថ្ងៃអង្គារ នាទីក្រុងតូក្យូ បវរកញ្ញាវ័យ២០រូបនេះបានទាក់ទាញការចាប់អារម្មណ៍ពីក្រសែភ្នែកទូទៅ អ្នកថតរូប និងហ្វូងមនុស្សជាច្រើន។

Miyamoto និយាយថា៖ "នៅក្នុងសាលា គេធ្លាប់ចោលសំរាមមកលើខ្ញុំ" ដោយសារប្រកាន់ព័ណ៌សម្បុររបស់នាង។

សាស្ត្រាចារ្យ Jeff Kingston នៃសាកលវិទ្យាល័យ Temple University ក្នុងទីក្រុងតូក្យូ និយាយថា៖ "ប្រជាជនជួបប្រទះការរើសអើង និងការបែងចែក [នៅជប៉ុន]”។

លោកបន្តថា ជប៉ុនត្រូវបានគេគិតថា ជាប្រទេសអភិរក្ស និងមិនចង់ផ្លាស់ប្ដូរនោះទេ។ ប៉ុន្តែនៅប៉ុន្មានឆ្នាំថ្មីៗនេះ ជប៉ុនចាប់ផ្ដើមមានសិល្បករ និងសូម្បីតែអត្តពលិកក៏មានកូនកាត់សាសន៍ផ្សេងខ្លះៗដែរ។ សាស្ត្រាចារ្យដដែលបន្ថែមថា៖ "ការគ្រងមកុដរបស់នាងនឹងផ្ញើសារវិជ្ជាមានមួយអំពីការផ្លាស់ប្ដូរប្រទេសជប៉ុន ដែលជាប្រទេសចុងក្រោយគេ"។

Miyamoto បាននិយាយថា៖ "ខ្ញុំចង់ប្រាប់ពិភពលោកថា ថ្វីត្បិតកាត់ពាក់កណ្ដាលជប៉ុនមែនក៏អាចតំណាងប្រជាជនជប៉ុនបានដែរ"៕

ប្រភព៖ CNN

ពាក្យទាក់ទង

សកម្មភាពតារាអន្តរជាតិ

អត្ថបទពេញនិយម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

ខែភ្លៀង ត្រៀមឱ្យហើយ! ពេលបើកម៉ូតូកាត់ទឹក ស្រាប់តែរលត់ម៉ាស៊ីន គឺត្រូវធ្វើតាមវិធីទាំងនេះ បើមិនចង់ឱ្យខូចធ្ងន់លើសដើម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

កូនកាត់ម្នាក់ទៀតហើយ! សឺរីដេន អានីសាហុន កូនកាត់ខ្មែរ-អង់គ្លេស ដាក់ពាក្យប្រកួតបវរកញ្ញា

ផលិតករ K-Pop ម្នាក់ត្រូវបានកាត់ទោសឲ្យជាប់ពន្ធនាគារពីបទក្លែងខ្លួនជាសមាជិក BTS

កាត់បន្ថយហានិភ័យច្រើនណាស់! បច្ចេកវិទ្យាជប៉ុនថ្មីមួយ ជួយការពារមិនឱ្យរបូតកង់ឡាន ពេលកំពុងបើកបរ

អត្ថបទថ្មី

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

ក្ដីស្រឡាញ់ និងឆន្ទៈចង់ឈ្នះមេដាយជូនជាតិក្រុមកាយវប្បកម្មចំណាយថវិកាផ្ទាល់ខ្លួនមិនតិចទេសម្រាប់ការប្រកួតជើងឯកអាស៊ីអាគ្នេយ៍

មានលុយធ្វើអីក៏សម បុរសម្នាក់ប្រើជីវិតបែបអភិជន រហូតគេដាក់ឈ្មោះថាជា «Kim Kardashian ចិន»

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ