អីយ៉ា...អេឡិច ច័ន្ទត្រា ដូរថ្មីទៀតហើយ!
- 2015-03-26 17:01:27
- ចំនួនមតិ 0 | ចំនួនចែករំលែក 0
អីយ៉ា...អេឡិច ច័ន្ទត្រា ដូរថ្មីទៀតហើយ!
ចន្លោះមិនឃើញ
តារាសម្ដែង និងចម្រៀង អេឡិច ច័ន្ទត្រា បានផ្លាស់ប្ដូរដៃគូថ្មីម្នាក់ទៀតហើយនៅដើមឆ្នាំ២០១៥នេះ។ដៃគូថ្មីថ្មោងរបស់លោកគឺតារាចម្រៀង និងសម្ដែងសាច់សខ្ចី ធី ណាតា។
ការចាប់ដៃគូជាថ្មី នេះបន្ទាប់ពីលោក និង ធី ណាតា ទើបវិលត្រឡប់មកពីសម្ដែងរួមគ្នានៅប្រទេសអូស្ត្រាលី ហើយបានប្រកាសនៅលើកញ្ចក់ទូរទស្សន៍ MyTV ថ្មីៗ។ តារាប្រុសកូនកាត់ចិនរូបនេះ ប្រាប់ថា លោកធ្វើបែបនេះដើម្បីផ្ដល់ភាពប្លែកភ្នែកមួយទៀតដល់ទស្សនិកជន។
អេឡិច ច័ន្ទត្រា ប្រាប់ Sabay តាមទូរស័ព្ទ ចំពោះដំណើរដើមទងដែលនាំឲ្យលោក ចាប់ដៃគូជាមួយ ធី ណាតា ថា លោកបានចេញទៅសម្ដែងនៅប្រទេសអូស្ត្រាលី ជាមួយ ណាតា កាលពីឆ្នាំ២០១៤។ គ្រានោះ លោក និងណាតាត្រូវបានតម្រូវឲ្យសម្ដែងឈុត ឆាក ទុំទាវ ជាមួយគ្នា។
អេឡិច ប្រាប់ទៀត បន្ទាប់ពីសម្ដែងឈុតនោះហើយ ទើបលោកបានមើលឃើញពីទេពកោសល្យរបស់កញ្ញា ណាតា ចំពោះការច្រៀង និងសម្ដែង។ ពេលនោះ នាងទទួលបានការគាំទ្រយ៉ាងច្រើនមែនទែន ពីសំណាក់បងប្អូនខ្មែរដែលរស់នៅទីនោះ។ បូករួមទាំងចរិតល្អស្លូតបូតចេះជួយទុក្ខធុរៈគ្នាផងនោះ ទើបធ្វើឲ្យលោកសំរេចចិត្តជ្រើសរើសចាប់ដៃគូជាមួយនាងតែម្ដង។
តារាចម្រៀង ធី ណាតា
ម្យ៉ាងវិញទៀត ក៏ចង់ជួយដៃគូថ្មីនេះដែរ ខណៈ ណាតា ត្បិតជាតារាចម្រៀង និងតារាសម្ដែងមែន ប៉ុន្តែបងប្អូនមិនទាន់បានស្គាល់គាត់ពីមុនមកទេ។អ្វីដែលសំខាន់បំផុតនោះគឺលោកចង់ធ្វើអ្វីឲ្យប្លែកថ្មីដើម្បីបម្រើអារម្មណ៍ទស្សនិកជនក្នុងឆ្នាំ២០១៥នេះ។លោកបានបន្តទៀតថាលោកមានក្ដីរំពឹងទុកថាពុកម៉ែបងប្អូននឹងចូលចិត្តគាំទ្រលោកនិងដៃគូរបស់លោក។
លឹម ប៉ោស្រ៊ុន ឬ អេឡិច ច័ន្ទត្រា បានចាប់ដៃគូជាមួយកញ្ញា ណាតា តាំងពីដើមខែមករាឆ្នាំ២០១៥មកម្ល៉េះ ហើយកញ្ញាជាដៃគូទី៤របស់តារាប្រុសរូបនេះ ក្នុងនោះតារាស្រីៗដែលធ្លាប់ធ្វើជាដៃគូរបស់លោកមានដូចជាអ្នកនាង ឆ័យលី ដាឡែន គឹម លីហ្សា និង កញ្ញា ទឹម រដ្ធា៕
អត្ថបទ៖ គុយ សុវណ្ណសិលា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
