១០បទរបស់ Pitbull ដែលអាចចាក់រាំម៉ាសប្បាយក្នុងពិធីជប់លៀង
- 2015-03-26 18:52:54
- ចំនួនមតិ 0 | ចំនួនចែករំលែក 0
១០បទរបស់ Pitbull ដែលអាចចាក់រាំម៉ាសប្បាយក្នុងពិធីជប់លៀង
ចន្លោះមិនឃើញ
តាមរយៈបទភ្លេង និងចង្វាក់ញាក់សប្បាយៗ បទចម្រៀងភាគច្រើន របស់តារាចម្រៀងរ៉េបអាមេរិក Pitbull តែងតែត្រូវបានគេយកមកចាក់ដើម្បីបង្កបរិយាកាសរីករាយក្នុងពិធីជប់លៀងជុំវិញពិភពលោក។ បើតាមគេហទំព័រ mensxp.com ខាងក្រោមនេះគឺជាបទចម្រៀង ១០បទរបស់ Pitbull ដែលសក្ដិសមបំផុតសម្រាប់ចាក់ក្នុងពិធីជប់លៀងផ្សេងៗ៖
១. On The Floor
បទចម្រៀងនេះបានចេញកាលពីឆ្នាំ២០១១ និងជាបទចម្រៀងល្បីបំផុតដែល Pitbull បានច្រៀងជាមួយ Jennifer Lopez។
២. Rain Over Me
បទចម្រៀងនេះក៏ចេញនៅឆ្នាំ២០១១ដែរ និងបានចេញក្នុងអាល់ប៊ុមទី៦របស់ Pitbull ដែលមានឈ្មោះថា "Planet Pit”។ នេះជាលើកដំបូងដែលតារាចម្រៀងរ៉េបមកពីរដ្ឋ Florida រូបនេះបានចាប់ដៃគូជាមួយតារាចម្រៀងព័រតូរីកូ Marc Anthony ដែលជាអតីតស្វាមីរបស់ Jennifer Lopez។
៣. Timber
បទចម្រៀងមួយក្នុងចំណោមបទចម្រៀងល្បីបំផុតកាលពីឆ្នាំ២០១៣ គឺបទ "Timber” ដែល Pitbull ច្រៀងជាមួយ Kesha ដែលបានជាប់ចំណាត់ថ្នាក់កំពូលលើតារាងចម្រៀងនានា ៣សប្ដាហ៍ជាប់គ្នា។ បទចម្រៀងនេះដើមឡើយគឺសម្រាប់តារាចម្រៀង Rihanna ទេ ប៉ុន្តែដោយសារតែ Rihanna ជាប់រវល់ថតបទ "Can't Remember to Forget You” ដូច្នេះ Kesha ក៏ត្រូវបានអញ្ជើញមកច្រៀងជំនួសវិញ។
៤. Give Me Everything
ដោយមានការចូលរួមពី Ne-Yo, Afrojack និង Nayer បទចម្រៀង "Give Me Everything” បានក្លាយជាបទចម្រៀងទីមួយរបស់ Pitbull ដែលបានជាប់ចំណាត់ថ្នាក់កំពូលលើតារាង Billboard អាមេរិក។ អាល់ប៊ុមបទចម្រៀងនេះបានលក់ដាច់អស់ ៨,២លានបន្ទះពីជុំវិញពិភពលោក។
៥. International Love
នេះគឺជាបទចម្រៀងរួមគ្នាលើកដំបូង របស់ Pitbull និង Chris Brown មុននឹងពួកគេសហការគ្នាក្នុងបទ "Fun” និង "Hope We Meet Again”។
៦. Dance Again
នេះជាបទចម្រៀងល្បីមួយទៀត របស់ Pitbull ជាមួយ Jlo ដែលបានជាប់បេក្ខភាពចុងក្រោយក្នុងកម្មវិធី MTV Video Music Award ក្នុងផ្នែកក្បាច់រាំល្អផ្ដាច់គេ។
៧. Feel This Moment
ពីអាល់ប៊ុមទី៧របស់ Pitbull “Global Warming” បទចម្រៀងនេះគឺជាការសហការដំបូងរវាង Pitbull និងគ្រូបង្វឹក The Voice អាមេរិក Christina Aguilera។ បទចម្រៀងនេះក៏បានជាប់បេក្ខភាពចុងក្រោយក្នុងកម្មវិធី MTV Music Video Awards ដែរកាលពីឆ្នាំ២០១៣ ក្នុងផ្នែកបទចម្រៀងឆ្លងឆ្លើយល្អផ្ដាច់គេ។
៨. I Know You Want Me
“I Know You Want Me" គឺជាបទចម្រៀងដ៏ល្បីល្បាញពីអាល់ប៊ុមទី៤ របស់ Pitbull "Rebelution" និងជាបទចម្រៀងដែលមានអ្នកទស្សនាច្រើនបំផុតលើ Youtube កាលពីឆ្នាំ ២០០៩។
៩. Live It Up
បទចម្រៀងល្បីមួយបទទៀតដែល Pitbull បានចេញជាមួយ Jennifer Lopez គឺបទ "Live It Up” ដែលបានចេញកាលពីឆ្នាំ២០១៣។
១០. DJ Got Us Fallin' In Love
បទចម្រៀងនេះក៏ជាការសហការដំបូងដែរ រវាង Pitbull និង Usher មុននឹងពួកគេចេញបទ "Party Ain't Over”។ “DJ Got Us Fallin' In Love” បានក្លាយជាបទចម្រៀងជោគជ័យបំផុតមួយរបស់ Usher។
ពេញចិត្តបទណាជាងគេ ១០បទនេះ?
ចុចអាន៖Selena Gomez បទថ្មី ជាមួយដៃគូប្រុសថ្មី រាំខ្លាំង សិចស៊ីក៏ខ្លាំង
ប្រែសម្រួល៖ វ៉ាន់ថន ប្រភព៖ mensxp