Sony នឹងបំពាក់កម្មវិធី Dropbox ស្រេចលើ Xperia Z3
- 2014-10-08 16:11:11
- ចំនួនមតិ 0 | ចំនួនចែករំលែក 0
Sony នឹងបំពាក់កម្មវិធី Dropbox ស្រេចលើ Xperia Z3
ចន្លោះមិនឃើញ
នៅពេលឆាប់ៗខាងមុខ រាល់ Smartphone របស់ Sony នឹងមានបំពាក់កម្មវិធីផ្ទុកទិន្នន័យនៅលើអនឡាញ Dropbox មកជាមួយស្រេចតែម្ដង។ នេះជាការទម្លាយរបស់ប្រធានផ្នែកសមាហរណកម្ម Dropbox ទៅក្នុង Device ថ្មីៗកញ្ញា Christine Moon។
ប្រភពពីក្រុមហ៊ុន Dropbox ខាងលើបានបញ្ជាក់ទៀតថា ការចាប់ដៃគ្នាជាមួយក្រុមហ៊ុន Sony នឹងធ្វើឡើងចាប់ពីស៊េរី Sony Xperia Z3 ឡើងទៅ។ ក្រៅពីជាកម្មវិធីផ្ទុកទិន្នន័យនៅលើអនឡាញតែម៉្យាង Dropbox កំពុងស្វែងរកការច្របាច់បញ្ចូលបន្ថែមទៀតដើម្បីឲ្យភាពជាដៃគូកាន់តែប្រសើរ។
កញ្ញា Moon បញ្ជាក់ដូច្នេះ៖ "អ្វីដែលយើងចង់បានគឺលើសពីនេះ។ ចំណុចពិសេសផ្សេងទៀត គឺអាចឲ្យ Dropbox ច្របាច់បញ្ចូលតាមវិធីដ៏វ័យឆ្លាតមួយ។ ទូរសព្ទមួយនេះ (Samsung Galaxy Note 3) គឺមានភ្ជាប់មកនូវ App ដែលអាចតាមដានជំហានរបស់ខ្ញុំ។ ចុះបើអនាគតខ្ញុំមានជំងឺទឹកនោមផ្អែម ហើយខ្ញុំចង់តាមដានជំហានរបស់ខ្ញុំច្រើនឆ្នាំនោះ? ចុះបើយើងមានកម្មវិធីល្អៗផ្សេងទៀត? នោះគឺជារឿងដែលយើងបានគិតដល់ ហើយតើគុណតម្លៃបន្ថែមបែបណាដែលយើងអាចផ្តល់ជូនបាន? អ្នកអាចឃើញការច្របាច់បញ្ចូលនេះឆ្ពោះទៅមុខ ដោយមានដៃគូសហការផ្សេងៗទៀត"៕
អាន៖ មានSNAP 6 សម្រាប់ iPhone 6 បទពិសោធន៍ថតរូបកាន់តែអស្ចារ្យ
ប្រែសម្រួល៖ សីហា ប្រភព៖ xperiablog