កុំកុំថា នឹងឈប់សម្ដែងរឿងវាយតប់ក្រោយថតចប់រឿង "Ip Man 3"

2015-03-30 17:27:43
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសន្និសីទកាសែតមួយក្នុងទីក្រុងសៀងហៃថ្មីៗនេះ តារាក្បាច់គុន កុំកុំ បានប្រកាសប្រាប់មហាជនថា លោកនឹងដកខ្លួនពីខ្សែភាពយន្តបែបវាយប្រហារ ហើយ " Ip Man 3” អាចជារឿងចុងក្រោយរបស់លោក។

ពេលបង្ហាញមុខក្នុងសន្និសីទកាសែត Donnie Yen ត្រូវគេមើលឃើញថា មានរាងកាយស្គមបន្តិច ដែលបញ្ហានេះតារាក្បាច់គុនហុងកុង បានពន្យល់ថា លោកធ្វើតាមសំណើ របស់អ្នកដឹកនាំរឿង Wilson Yi។ លោក Wilson យល់ថា ក្នុងភាពយន្តចុងក្រោយនេះ តួអង្គ Ip Man គួរតែមានរាងស្គមថែមទៀតទើបល្អ។

ពេលសួរថា តើលោកនឹងបន្តសម្ដែង ខ្សែភាពយន្តបែបវាយប្រហារ រហូតដល់ចាស់ឬយ៉ាងណានោះ? តារាសម្ដែង កើតនៅទីក្រុង Guangzhou ខេត្ត Guangdong តបថា " Ip Man 3” អាចជាភាពយន្តចុងក្រោយរបស់លោក "ឥលូវសំណួរសំខាន់បំផុតសម្រាប់ខ្ញុំ គឺមិនមែនថារាងកាយខ្ញុំ អាចសម្ដែងបានទៀតឬអត់នោះទេ តែអ្វីដែសំខាន់ថាតើខ្សែភាពយន្ត មានអ្វីថ្មីទៀតឬអត់? ម្ល៉ោះហើយ “Ip Man 3" អាចជារឿងចុងក្រោយរបស់ខ្ញុំហើយ"។

តួឯករឿង"Dragon Tiger Gate" បញ្ជាក់បន្ថែមថា ពេលលោកធ្វើដំណើរទៅបរទេស អ្នកគាំទ្រជាច្រើនហៅលោកថា Ip Man “ ខ្ញុំក្លាយជាតារាល្បី ដោយសាររឿង "Ip Man” ដូច្នេះបើសិនខ្ញុំឈប់សម្ដែង ខ្ញុំសង្ឃឹមថាខ្ញុំនៅជាប់ឈ្មោះជាមួយ Ip Man ដដែល"។

ប៉ុន្មានឆ្នាំមកនេះ អ្នកដឹកនាំរឿងកូនបីវ័យ៥១ឆ្នាំ កុំកុំ បានយកចិត្តទុកដាក់ខ្លាំងណាស់ លើការសម្ដែងរឿង "Ip Man"។

ថ្មីៗនេះតារាសម្ដែង អ្នកដឹកនាំរឿង និងផលិតកររូបនេះ បានជ្រើសរើសអតីតកីឡាករប្រដាល់ទង្ងន់ធ្ងន់ ម៉ៃ ថៃសាន់ មកសម្ដែងជាមួយក្នុងរឿង "Ip Man 3” ហើយក្នុងរឿងនេះក៏មានតួអង្គ លី សៀវឡុងផងដែរ។ ភាពយន្តនេះនឹងមានចាក់បញ្ចាំង នៅថ្ងៃបុណ្យចូលឆ្នាំចិន ឆ្នាំ២០១៦៕