៧យ៉ាងបញ្ជាក់ថាមិត្តប្រុសស្រលាញ់អ្នកជាងគេទាំងអស់
- 2015-03-31 17:26:39
- ចំនួនមតិ 0 | ចំនួនចែករំលែក 0
៧យ៉ាងបញ្ជាក់ថាមិត្តប្រុសស្រលាញ់អ្នកជាងគេទាំងអស់
ចន្លោះមិនឃើញ
មនុស្សស្រីគ្រប់គ្នាប្រាកដជាចង់បានការស្រឡាញ់ធំធេងពីមនុស្សដែលខ្លួនស្រលាញ់ ព្រមទាំងចង់ដឹងផងដែរថាគេស្រលាញ់ខ្លួនប៉ុណ្ណាដែរ។ តើធ្វើដូចម្ដេច ទើបដឹងទេថាសង្សារស្រលាញ់អ្នកខ្លាំង? Sabay នឹងបង្ហាញពីចំណុច៧យ៉ាងបញ្ជាក់ច្បាស់ថាមិត្តប្រុសរបស់អ្នក ស្រលាញ់អ្នកជាងនរណាទាំងអស់៖
១. មិនលាក់លៀមអ្វីទាំងអស់
បើសិនជាមិត្តប្រុសរបស់អ្នកមិនដែលលាក់អ្វីពីអ្នកសោះ បន្ទាប់ពីចាប់ផ្ដើមទាក់ទងគ្នា បញ្ជាក់យ៉ាងច្បាស់ថាគេពិតជាស្រឡាញ់អ្នកខ្លាំងណាស់។ ការបើកចំហនៅក្នុងទំនាក់ទំនង គឺជាផលវិជ្ជមានដែលបង្ហាញពីចិត្តស្មោះចំពោះដៃគូ។ រឿងអ្វីខ្លះដែលបុរសមិនលាក់ ? គឺរឿងអតីតសង្សារ លេខសំងាត់កុងធនាគារ ឬបញ្ហាគ្រួសារជាដើម។
២. អត់ធ្មត់គ្រប់ពេល
ពេលអ្នកនិយាយរឿងឆ្កួតៗអ្វីក៏ដោយ ក៏បុរសជាសង្សារមិនខឹង មិននិយាយកាត់ ឬមិនសម្លុតឲ្យអ្នកឈប់និយាយរឿងនោះដែរ។ ផ្ទុយទៅវិញគាត់បែរជាព្យាយាមស្ដាប់អ្វីដែលអ្នកនិយាយដោយកាយវិការយកចិត្តទុកដាក់ជាខ្លាំង ដោយធ្វើពុតជាចាប់អារម្មណ៍ទៅលើប្រធានបទដែលអ្នកកំពុងតែនិយាយនោះណាស់។ នេះហើយជាកាយវិការបញ្ជាក់ថាស្រលាញ់ខ្លាំង។
៣. គោរពសិទ្ធិជីវិតឯកជនរបស់អ្នក
ទោះជាមិត្តប្រុសស្រលាញ់ ចង់នៅជិតអ្នកប៉ុណ្ណាក៏ដោយ ក៏គេតែងផ្ដល់ជីវិតឯកជនសម្រាប់អ្នកដែរ ដូចជាការដើរលេងជាមួយមិត្តភ័ក្ដិជាដើម នេះបានហៅថាស្រលាញ់ពិត។ ប្រសិនបើគេតែងទទូចសុំឲ្យអ្នកកំដររហូត អាចថានោះជាបុរសអាត្មានិយម។ ហើយរឿងដែលសំខាន់គឺបង្ហាញយ៉ាងច្បាស់ពីកម្រិតជឿទុកចិត្តដែលមានមកលើអ្នក។
៤. បង្ហាញក្ដីស្រលាញ់ជាសាធារណៈ
អ្វីដែលអាចបញ្ជាក់យ៉ាងច្បាស់ថាមិត្តប្រុសស្រលាញ់អ្នកជាងនរណាទាំងអស់ គឺការបង្ហាញឲ្យពិភពលោកដឹងថាគេពិតជាស្រឡាញ់អ្នក ដូចជា នៅចំពោះមុខមិត្តភ័ក្ដិ ហើយជាពិសេសពេលដើរផ្សារ ឬពេលដើរកម្សាន្ត បុរសជាសង្សារតែងកាន់ដៃអ្នកជាប់ជានិច្ច។
៥. មិនបង្ខំ
មិត្តប្រុសដែលស្រលាញ់មិត្តស្រីខ្លាំង គឺនឹងមិនបង្ខំមនុស្សជាទីស្រលាញ់ខ្លួន សម្រាប់ខ្លួនឯងជាដាច់ខាត ឬនឹងមិនបង្ខំអ្នកឲ្យឈប់និយាយជាមួយបុរសផ្សេងទៀតណាមួយឡើយ ព្រោះគេមានជំនឿទាំងស្រុងលើអ្នក ហើយដឹងថាអ្នកនឹងមិនក្បត់ឡើយ។
៦. តែងតែឆ្លៀតពេលកំដរអ្នក
បើទោះបីជារវល់យ៉ាងណាក៏ដោយ ភាគីខាងប្រុសតែងតែឆ្លៀតពេលកំដរអ្នកទៅញ៉ាំអាហារ និងដើរកម្សាន្តពេលចុងសប្ដាហ៍ដែរ។ ប្រសិនបើត្រូវទៅធ្វើការនៅខេត្តឆ្ងាយ យ៉ាងហោចណាស់គេនឹងតេមកសួរសុខទុក្ខ ឬអាចនិយាយថា "ពេលទៅវិញបងមានរបស់ផ្ញើអូន" ឬអាចប្រាប់អ្នកថា "ពេលទៅវិញបងនឹងនាំអូនដើរលេង" ជាដើម។
៧. គ្មានអាថ៌កំបាំង
ទង្វើដែលបង្ហាញថាមិត្តប្រុសស្រលាញ់អ្នកជាងនរណាទាំងអស់ គឺប្រាប់មនុស្សស្រីខ្លួនស្រលាញ់នូវពីទិន្នន័យផ្សេងៗដូចជា លេខសម្ងាត់អ៊ីមែល Facebook ទូរសព្ទ ឬកុំព្យូទ័រជាដើម។
យ៉ាងណាក្ដី ទោះមិនមានគ្រប់ចំណុចខាងលើ ក៏មិនមែនបានន័យថាសង្សាររបស់អ្នកមិនស្រលាញ់អ្នកជាងគេនោះដែរ៕
ប្រែសម្រួល៖ ទ្រី រ៉ាវី ប្រភព៖ likelovequotes
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
