Yamaha អះអាងពីការកាន់កាប់ចំណែកទីផ្សារម៉ូតូធំជាងពាក់កណ្តាលនៅកម្ពុជា
- 2015-03-31 18:32:43
- ចំនួនមតិ 0 | ចំនួនចែករំលែក 0
Yamaha អះអាងពីការកាន់កាប់ចំណែកទីផ្សារម៉ូតូធំជាងពាក់កណ្តាលនៅកម្ពុជា
ចន្លោះមិនឃើញ
ក្រុមហ៊ុន Yamaha បានបង្ហាញជោគជ័យសម្រាប់ទីផ្សារម៉ូតូធំ ដោយក្រុមហ៊ុនបានអះអាងពីការកាន់កាប់ចំណែកទីផ្សារជាងពាក់កណ្ដាលនៅកម្ពុជា។
លោក សៀង តុលា អ្នកគ្រប់គ្រងទូទៅផ្នែកពាណិជ្ជកម្មរបស់ក្រុមហ៊ុន Yamaha Motor បានឲ្យដឹងថា បើទោះមានម៉ាកយីហោម៉ូតូធំដទៃទៀតប្រជែងនិងកំពុងលក់ពាសពេញទីផ្សារប្រទេសកម្ពុជា ប៉ុន្តែ Yamaha បានកាន់កាប់ចំណែកទីផ្សារប្រហែល ៥០ ភាគរយ ដែលធ្វើឲ្យយីហោម៉ូតូធំរបស់ក្រុមហ៊ុនឈានមុខលើគូប្រកួតប្រជែង។
"យើងមានការគាំទ្រច្រើន ដោយសារលក្ខណៈពិសេសនៃម៉ូតូរបស់យើងដែលមានការអភិវឌ្ឍលើគូប្រកួតប្រជែង និងអាចបំពេញគ្រប់តម្រូវការអ្នកប្រើប្រាស់"។
ការប្រើប្រាស់ម៉ូតូធំនៅក្នុងចំណោមពលរដ្ឋកម្ពុជា មានកើនឡើងនិងទីផ្សារក៏មានការីកលូតលាស់យ៉ាងខ្លាំង ប៉ុន្តែការលេចមុខយីហោម៉ូតូធំថ្មីៗនៅលើទីផ្សារមួយរយៈចុងក្រោយនេះ អាចក្លាយជាគូប្រកួតប្រជែងជាមួយ Yamaha។
ទោះបីបែបនេះក្តី ប្រធានគ្រប់គ្រងរូបនេះមិនមានក្តីបារម្ភទេ ដោយលោកគិតអតិថិជនបានស្គាល់ច្បាស់ Yamaha។ យ៉ាងណាលោកថា ក្រុមហ៊ុននឹងរៀបចំយុទ្ធសាស្ត្រថ្មីៗ ក៏ដូចជាជំរុញការផ្សព្វផ្សាយជាមួយការផ្តល់សេវាដែលអាចផ្តល់ការពេញចិត្តសម្រាប់អតិថិជន ដើម្បីទទួលបានការគាំទ្រនិងធ្វើឲ្យ Yamaha នៅតែអាចបន្តឈានមុខនិងរក្សាភាពខ្លាំងនៅលើទីផ្សារ។
ថ្មីៗនេះ ក្រុមហ៊ុន Yamaha ទើបតែបានណែនាំម៉ូតូធំស៊េរីថ្មីសន្លាងមួយទៀតគឺ XTZ បន្ទាប់ពីក្រុមហ៊ុនបានបញ្ចេញម៉ូដែលម៉ូតូធំៗមួយចំនួន FZ និង FZ និងទទួលបានការចាប់អារម្មណ៍លើទីផ្សារគួរឲ្យកត់សម្គាល់។
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
