Suzy ក្លាយជាសមាជិកសមាគមសប្បុរសធម៌ ក្រោយបរិច្ចាគប្រាក់សន្ធឹកសន្ធាប់

2015-04-02 13:20:05
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុមចម្រៀង miss A Suzy បានក្លាយជាសមាជិកកិត្តិយសម្នាក់របស់សមាគមសប្បុរសធម៌ Chest of Korea បន្ទាប់ពីបានបរិច្ចាគប្រាក់ច្រើនជាង ១០ម៉ឺនដុល្លារទៅកាន់សមាគមមួយនេះ។

សមាគម Chest of Korea បានចេញសេចក្ដីថ្លែងការណ៍កាលពីថ្ងៃទី១ ខែមេសា ថា "តាមរយៈការបរិច្ចាគប្រាក់ជាង ១០ម៉ឺនដុល្លារ មកកាន់សមាគម Suzy បានក្លាយជាសមាជិកទី ៧៩១ក្នុងចំណោមម្ចាស់ជំនួយធំនៃសមាគមរបស់យើង"។ កន្លងមក តារាចម្រៀងវ័យ ២២ឆ្នាំរូបនេះធ្លាប់បរិច្ចាគប្រាក់សម្រាប់ជួយដល់កុមារដែលមានជំងឺឈាមស កុមារកំព្រា និងចាស់ជរាជាដើម។

តារាចម្រៀង Suzy ដែលទើបតែធ្លាយព័ត៌មានស្នេហាជាមួយតារាសម្ដែង Lee Minho ក៏បានបញ្ចេញសេចក្ដីថ្លែងការណ៍ផ្ទាល់ខ្លួនមួយដែរ អំពីការបរិច្ចាគនេះ ដោយបាននិយាយថា "ខ្ញុំបានស្គាល់សមាគមនេះតាមរយៈឪពុកម្ដាយ និងមនុស្សល្អជាច្រើនទៀតនៅជុំវិញខ្ញុំ។ ខ្ញុំចូលរួមសមាគមដោយសារតែខ្ញុំចង់រួមចំណែកជួយដល់ប្រជាជនដែលមានជីវភាពខ្វះខាត។ ខ្ញុំចង់ជួយឧបត្ថម្ភដល់ការព្យាបាលកុមារដែលមានជំងឺមហារីក និងកុមារមានជំងឺធ្ងន់ធ្ងរជាច្រើនទៀត"។

Suzy គឺជាសមាជិកក្រុមចម្រៀងនារីទីពីរហើយដែលបានក្លាយជាសមាជិកកិត្តិយសរបស់សមាគមនេះ ដោយតារាចម្រៀងទីមួយគឺ YoonA មកពីក្រុម Girls' Generation ៕

ចុចអាន៖ក្រុមចម្រៀងសិចស៊ី miss A ចេញ MV បទថ្មី “Only You”

ប្រែសម្រួល៖ វ៉ាន់ថន ប្រភព៖ soompi