ស្ត្រីគេងច្រើន មានចំណង់ផ្លូវភេទខ្ពស់

2015-04-03 15:52:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកស្រាវជ្រាវ មកពីសាកលវិទ្យាល័យ Michigan បានប្រើពេល១៤ថ្ងៃ ដើម្បីសាកសួរលើស្ត្រីវ័យក្មេងចំនួន១៧១នាក់ ដោយលទ្ធផលបង្ហាញថា ស្ត្រីដែលទទួលដំណេកច្រើន មានចំណង់ផ្លូវភេទខ្ពស់។

លោក David Kalmbach អ្នកស្រាវជ្រាវផ្នែក Sleep and Circadian Research Laboratory មកពីសាកលវិទ្យាល័យខាងលើ ប្រាប់គេហទំព័រ HealthDay ថា "ការសិក្សារបស់យើងបង្ហាញថា ការគេងលក់ស្កប់ស្កល់ស្រួល សំខាន់ណាស់សម្រាប់សុខភាពផ្លូវភេទ និងការដាស់អារម្មណ៍ផ្លូវភេទស្ត្រី"។

លោក Kalmbach និងក្រុមការងារ បានរកឃើញទៀតថា ស្ត្រីដែលគេងបាន៧ម៉ោង ២២នាទី គឺមានអារម្មណ៍ល្អ មានកម្លាំង និងមានការផ្ដោតអារម្មណ៍ល្អ ជាហេតុធ្វើឱ្យពួកគេមានចំណង់រួមភេទខ្លាំង ហើយបើគេងលើសនឹងមួយម៉ោង ចំណង់នឹងកើន១៤%។

“សារនេះគឺមានសារសំខាន់សម្រាប់ជីវិតប្រចាំថ្ងៃរបស់យើង។ គេងបានច្រើនឬស្កប់ស្កល់ ជួយឱ្យអារម្មណ៍ល្អ មានកម្លាំង ក្លាហាន បង្កើនចំណង់ផ្លូវភេទ និងល្អសម្រាប់សុខភាពជាដើម"។ លោក Kalmback បញ្ជាក់។

ទោះបីជាយ៉ាងណា ក្រុមអ្នកស្រាវជ្រាវ មិនបានបញ្ជាក់ថា ដេកមិនលក់កម្រិតណា ដែលធ្វើឱ្យប៉ះពាល់ដល់ ចំណង់ផ្លូវភេទនោះទេ៕

៣នាទី របៀបហ្វឹកហាត់ដ៏ត្រឹមត្រូវ សម្រាប់អ្នកចង់បានសាច់ដុំទ្រូងធំ ពាក់អាវសម

អាហារ៥ប្រភេទ អាចកម្ចាត់ក្លិនខ្លួនមិនល្អ

ប្រែសម្រួល៖ អ៊ុំ សុភក្តិ ប្រភព៖ cbslocal