ដល់រដូវទៅស្រុក មើលវីដេអូបទចម្រៀងនេះ អ្នកខ្លះអាចស្រក់ទឹកភ្នែក

2015-04-04 16:45:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ខែភ្ជុំ ចូលឆ្នាំគឺជាឱកាសតែមួយគត់ដែលកូនៗ ឬអ្នកដែលត្រូវបែកពីគ្រួសារមករៀន និងធ្វើការនៅឆ្ងាយត្រូវត្រលប់ទៅស្រុកកំណើតដើម្បីបានជួបជុំគ្រួសារ។ ប៉ុន្តែមានអ្នកខ្លះ ទោះជាថ្ងៃបុណ្យ ឬថ្ងៃឈប់សម្រាកក្ដី ក៏មិនសូវមានពេលទៅលេងស្រុកជួបជុំគ្រួសារដែរ ព្រោះត្រូវបំពេញការងារមិនអាចដកឃ្លាបាន។

បទចម្រៀងមួយបទខាងក្រោមនេះ និយាយទាក់ទងនឹងបុណ្យភ្ជុំដែលកូនស្រីម្នាក់រវល់ធ្វើការរហូតគ្មានពេលបានទៅជួបម្ដាយនិងប្អូននៅស្រុក និងមិនដឹងទេថាម្ដាយនឹកនាងប៉ុណ្ណានោះ។ ម្ដាយទៅវត្តឃើញកូនគេមកស្រុក មាននំចំណីផ្ញើម៉ែពុកគេ គាត់បានត្រឹមតែតូចចិត្តមិនដឹងនិយាយប្រាប់អ្នកណា។ ដល់ចុងក្រោយ ម្ដាយឈឺស្លាប់ ទើបនាងដឹងថាការខិតខំរបស់នាងមិនមានប្រយោជន៍សោះ ព្រោះពេលមានប្រាក់ តែម្ដាយឪពុករបស់នាងបែរជាស្លាប់ទៅហើយ។

តួយ៉ាង ថ្ងៃបុណ្យចូលឆ្នាំថ្មីខ្មែរយើងក៏ជិតចូលមកដល់ហើយដែរ។ ដូចនេះ សម្រាប់អ្នកដែលនៅឆ្ងាយពីគ្រួសារគួរតែទៅលេងស្រុកកំណើតដើម្បីឪពុកម្ដាយ និងក្រុមគ្រួសារបានជួបជុំគ្នាមួយឆ្នាំម្ដង!