ភ្លេចចាប់អារម្មណ៍ សំបកកង់រាល់ថ្ងៃធ្វើឲ្យកង់អ្នកជិះយឺត!

2015-04-06 17:00:53
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជិះកង់ខ្លះភ្លេចចាប់អារម្មណ៍ថា សំបកកង់របស់ខ្លួនពុំស៊ីនឹងស្ថានភាពផ្លូវ ដែលអ្នកជិះរាល់ថ្ងៃនោះទេ។ បើក្រឡេកមើលមកសំបកកង់របស់អ្នក ភាគច្រើនគឺក្រាស់ និងមានក្រឡាធំៗ ហើយអ្នកយកទៅជិះលើផ្លូវថ្នល់កៅស៊ូធម្មតា ដែលពុំស៊ីគ្នាទាល់តែសោះ។

តាមពិតទៅ សំបកកងដែលមានទំហំក្រាស់ និងក្រឡាធំៗនេះ គឺប្រើសម្រាប់តែជិះនៅតំបន់ភ្នំ តំបន់ទីទួលឡើងចុះ និងមានភាពរអិល។ ប៉ុន្តែបើយកមកជិះនៅលើផ្លូវថ្នល់កៅស៊ូ ឬថ្នល់ចាក់បេតុង នោះអ្នកនឹងធាក់តឹង ពុំសូវទៅមុខឡើយ។

បើអ្នកជិះកង់ចង់បានល្បឿនលឿន ស្រួលធាក់ អ្នកគួរផ្លាស់មកដាក់សំបកកង់ប្រភេទគ្នានក្រឡាធំៗ (Slicker Tires) វិញ ដែលត្រូវបានរចនាឡើងសម្រាប់ជិះលើផ្លូវថ្នល់កៅស៊ូ ផ្លូវបេតុង ឬផ្លូវរលោងតាមភូមិ។ សំបកកង់ប្រភេទនេះមិនមែនមានតែសម្រាប់ពពួកកង់ប្រណាំងនោះទេ វាក៏មានសម្រាប់កង់ជិះលើភ្នំផងដែរ។

ប្រសិនបើអ្នកជិះលើផ្លូវមិនសូវជាល្អប៉ុន្មាន ប៉ុន្តែចង់បានកង់របស់អ្នកមានល្បឿងលឿន គួរពិចារណាពពួកសំបកកង Schwalbe Marathon ដែលមានរូបរាងដូចរូបខាងក្រោម។ ប៉ុន្តែប្រសិនបើអ្នកជិះលើផ្លូវដែលចង្អៀតបន្តិច តែចង់ឲ្យកង់មានលំនឹង គួរជ្រើសប្រភេទសំបក Kenda K847 Kross ដែលមានក្រឡាខ្លះ អាចទប់ទល់នឹងភក់បាន ប៉ុន្តែមិនបណ្ដាលឲ្យកង់របស់អ្នកយឺតខ្លាំងឡើយ។