មូលហេតុធំ៤យ៉ាងធ្វើឲ្យរូបភាពព្រាលពេលថតដោយSmartphone
- 2015-04-06 18:06:08
- ចំនួនមតិ 0 | ចំនួនចែករំលែក 0
មូលហេតុធំ៤យ៉ាងធ្វើឲ្យរូបភាពព្រាលពេលថតដោយSmartphone
ចន្លោះមិនឃើញ
ការថតរូបដោយប្រើកាមេរ៉ានៅលើទូរសព្ទ Smartphone គឺកំពុងតែមានការពេញនិយមនាពេលបច្ចុប្បន្ន។ បើទោះបីជាកាមេរ៉ានៅលើទូរសព្ទ Smartphone ទំនើបៗនាពេលបច្ចុប្បន្នត្រូវបានរចនាឡើងភ្ជាប់មកជាមួយនឹងបច្ចេកវិទ្យា ដើម្បីបង្កើនគុណភាពរូបភាពឲ្យកាន់តែច្បាស់ក៏ដោយ ក៏មានកំហុសមួយចំនួនអាចធ្វើឲ្យរួបភាពមានសភាពព្រាលអំឡុងពេលថតដែរ។
១. Len មិនស្អាត (កខ្វក់)
កំហុសទីមួយ ដែលជាមូលហេតុធ្វើឲ្យរូបភាពយើងបានថតមានលក្ខណៈព្រាលនោះគឺ កញ្ចក់ Len នៅលើកាមេរ៉ាមានជាប់ប្រឡាក់ស្នាមអ្វីមួយដូចជាស្នាមក្រយ៉ៅដៃជាដើម។ ដូច្នេះមុននឹងថតរូប យើងត្រូវសម្អាតវាដោយកំណាត់ស្អាតទន់ ដើម្បីលុបចេញនូវស្នាមម្រាមដៃ ឬ ស្នាមប្រឡាក់ផ្សេងទៀតចេញដើម្បីឲ្យរូបថតដែលយើងថតមិនមានសភាពព្រឹល។
២. ផ្ដោតរូបភាពខុសចំណុច
ការផ្ដោតរូបភាពខុសចំណុច អាចធ្វើឲ្យរូបភាពដែលយើងថតមានភាពព្រាលៗមិនច្បាស់ដែរ។ ចំពោះទូរសព្ទ Smartphone សេរីទំនើបនាពេលបច្ចុប្បន្ន ភាគច្រើនគឺសុទ្ធតែត្រូវបានរចនាឡើងដោយភ្ជាប់មកជាមួយនឹងមុខងារ Touch To Focus នៅលើកម្មវិធីកាមេរ៉ាស្រាប់ ដូច្នេះគួរតែប្រើមុខងារនេះដើម្បីផ្ដោតឲ្យចំចំណុចរូបភាពដែលយើងចង់ថត។
៣. ញ័រអំឡុងពេលថត
មូលហេតុមួយផ្សេងទៀតដែលធ្វើឲ្យរូបភាព មានភាពព្រាលអត់ច្បាស់នោះគឺដោយសារតែអំឡុងពេលថតគឺមានលំញ័រ។ ក្នុងអំឡុងពេលថតត្រូវរក្សារលំនឹងដៃឲ្យបាននឹង ចៀសវាងការញ័រដែលងាយនឹងធ្វើឲ្យរូបភាពថតមកមានភាពព្រាល។
៤. រូបភាពមានចលនា
បន្ថែមទៅទៀតនោះ ថតវត្ថុដែលមានចលនាក៏អាចធ្វើឲ្យរូបភាពមានសភាពព្រាលមិនច្បាស់ដែរ ហើយជាញឹកញាប់វាកើតមាននៅពេលដែលថតរូបភាពក្នុងកន្លែងដែលមានពន្លឺងងឹត៕
អានបន្ត៖ ចង់ថតវីដេអូលើ iPhone បានស្អាត ចេះតែប៉ុន្មានក្បាច់នេះទៅបានហើយ
ប្រែសម្រួល៖ សំនៀង ប្រភព៖ zing