បំបៅកូនដោយទឹកដោះធ្វើឲ្យដើមទ្រូងនារីបាត់ភាពមូលណែន?

2014-10-08 18:47:08
ចំនួនមតិ 0 | ចំនួនចែករំលែក 0

ចន្លោះមិនឃើញ

សម័យបច្ចុប្បន្ន នារីវ័យក្មេងមួយចំនួនមិនបំបៅដោះកូនដោយផ្ទាល់នោះទេ ដោយយល់ឃើញថា ការបំបៅដោះកូនអាចនាំឲ្យខូចទ្រង់ទ្រាយសុដន់ របស់ពួកគាត់ ដូច្នេះហើយទើបអ្នកម្ដាយវ័យក្មេងជាច្រើន បានសម្រេចចិត្តបំបៅទឹកដោះគោកូនក្មេងជំនួសវិញ។

តើឲ្យកូនបំបៅដោះផ្ទាល់ ពិតជាធ្វើឲ្យសុដន់មិនមូលក្លុំមែនដែរ ឬយ៉ាងណា?

លោកវេជ្ជបណ្ឌិត កង សុជីវុធ នាយកគ្លីនិក សុជីវុធ ពោធិចិនតុង ធ្លាប់បានបកស្រាយថាថា ការបំបៅដោះកូនដោយផ្ទាល់ពិតជាអាចធ្វើឲ្យសុដន់យារធ្លាក់ ធំម្ខាងតូចម្ខាង ខូចទ្រង់ទ្រាយពិតមែន ។ ប៉ុន្តែមិនមែនស្ត្រីគ្រប់រូបសុទ្ធតែបែបនេះទេ គឺអាស្រ័យលើលក្ខណៈសម្បត្តិធម្មជាតិរបស់មនុស្សម្នាក់ៗតែប៉ុណ្ណោះ។

កត្តា ២យ៉ាងនោះ ដែលនំាឲ្យពួកគេជ្រើសរើស ឲ្យកូនបៅទឹកដោះគោ ព្រោះទី១បារម្ភខ្លាចបាត់បង់សម្រស់ ដូចជាការយារធ្លាក់សុដន់ និងទី២ការយល់ថា ទឹកដោះគោមានសារប្រយោជន៍ច្រើនជាងទឹកដោះរបស់ខ្លួន។ ទាំងនេះជាហេតុជំរុញឲ្យម្ដាយភាគច្រើនសុខចិត្តបំបៅកូនដោយទឹកដោះ គោវិញ។ នេះបើតាមការសង្កេតរបស់លោកវេជ្ជបណ្ឌិតដដែល។

ចម្ងល់ ដែលថា តើឲ្យកូនបំបៅដោះផ្ទាល់ ពិតជាធ្វើឲ្យសុដន់មិនមូលក្លុំមែនដែរ ឬយ៉ាងណា? លោកវេជ្ជបណ្ឌិតបានបកស្រាយថា ការបំបៅដោះកូនរយៈពេល៦ខែបន្ទាប់ពីសម្រាល គឺមិនបណ្ដាលឲ្យសុដន់យារធ្លាក់នោះទេ ព្រោះក្នុងអំឡុងពេលនេះក្រពេញផលិតទឹកដោះបានផលិតមកជាប្រចាំ ជំនួយឲ្យសុដន់តឹងណែន ប៉ុន្តែបើបំបៅរយៈលើសពីនេះក្រពេញទឹកដោះលែងផលិតទឹកដោះហើយ ឲ្យកូនបៅគឹអាចបណ្ដាលឲ្យយារធ្លាក់ពិតមែន។

រូបតំណាង (រូបភាព៖ mdgfund)

បើ ប្រៀបធៀបគ្នារវាងទឹកដោះម្ដាយ និងទឹកគោ គឺទឹកដោះម្ដាយមានសារធាតុចិញ្ចឹមគ្រប់គ្រាន់ជាង ព្រោះទឹកដោះម្ដាយមានជីវជាតិគ្រប់គ្រាន់សម្រាប់ទារក ពិសេសនាសប្ដាហ៍ដំបូងក្រោយសម្រាលកូនរួច នៅក្នុងទឹកដោះម្ដាយមានផ្ទុកជីវជាតិ Colostrum ដែលជាសារជាតិប្រព័ន្ធការពារជំងឺ ដែលនៅក្នុងទឹកដោះគោពុំមាន ដែលជាលក្ខណៈពិសេសនៃធម្មជាតិ រួចហើយចាំឲ្យញ៉ាំទឹកដោះគោបន្ថែមជាការប្រសើរ។

លោកវេជ្ជបណ្ឌិត បានផ្ដាំផ្ញើថា ឲ្យកូនរបស់អ្នក បៅដោះដំបូងបានមួយសប្ដាហ៍ ដើម្បីសុខភាព ទារកល្អ ហើយយ៉ាងហោចណាស់គួរតែក៏ឲ្យបាន៦ខែដំបូង ព្រោះទឹកដោះម្ដាយមានសារធាតុចិញ្ចឹមគ្រប់គ្រាន់ ហើយបន្ទាប់ពីនេះចាំឈានទៅរកការប្រើប្រាស់ទឹកដោះគោទើបជាការ ប្រសើរ៕

អត្ថបទ៖ កង ចាន់បញ្ញា

ពាក្យទាក់ទង

សុខភាព និងសម្រស់

អត្ថបទពេញនិយម

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

Mohamed Salah ជាប់ឈ្មោះក្នុងបញ្ជីអ្នក Assist ច្រើនជាងគេទាំង១០នៅ EPL

អត្ថបទថ្មី

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

ឯកឧត្តមអភិសន្តិបណ្ឌិត ស សុខា៖ ពិតជាមោទកភាពជាខ្លាំងចំពោះសមិទ្ធផលមេដាយនៃក្រុមគ្រួសារកីឡាក្រសួងមហាផ្ទៃ

មកមើលម៉ូត Fashion តារាអាមេរិកល្បីៗ ក្នុងកម្មវិធី កម្រាលព្រំក្រហម ដ៏ធំមួយ នៅទីក្រុង New York