សារ៉ាធ្លាក់ខ្លួនជាអ្នកសុំទាន! «ព្រះនាងតូច» ភាគទី៦

2015-04-07 13:00:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ឥឡូវកញ្ញាមីនជីនយល់ហើយ ហើយគាត់មិនដែលទទួលរឿងបាក់ទឹកចិត្តបែបនេះទេនៅក្នុងជីវិត របស់គាត់។ សិស្សមកស្នាក់និងអភិជនដែលគាត់តែងតែអួត បានរសាត់ទៅបាត់ពីសាលារបស់គាត់ក្នុងពេលតែមួយ។ គាត់មានអារម្មណ៍ថាត្រូវគេធ្វើឱ្យខឹងខ្លាំងនិងត្រូវគេប្លន់ ហើយកាពីទែន គ្រូវី សារ៉ា និងលោកបារ៉ូសុទ្ធតែត្រូវស្ដីបន្ទោសដូចគ្នា។ «លោកចង់ប្រាប់ខ្ញុំថា គាត់ស្លាប់ទៅដោយមិនបន្សល់ទុកអ្វីសោះ? ហើយថាសារ៉ានឹងគ្មានសំណាង?! ក្មេងនោះជាអ្នកសុំទាន! ថានាងត្រូវក្លាយជាបន្ទុករបស់ខ្ញុំ ជំនួសឱ្យជាទាយាទស្រី?» គាត់ស្រែក។ លោកបារ៉ូជាអ្នករកស៊ីដ៏វៃឆ្លាត ហើយគាត់យល់ថានេះជាឱកាសដែលគាត់ត្រូវយករួចខ្លួនភ្លាមដោយមិនបាច់ពន្យារពេល។

«នាងពិតជាត្រូវក្លាយជាអ្នកសុំទានមែន ហើយនាងពិតជាត្រូវក្លាយជាបន្ទុករបស់ម៉ាដាម ព្រោះនាងគ្មានសាច់ញាតិទេនៅក្នុងលោកនេះ!» លោកបារ៉ូឆ្លើយ។ កញ្ញាមីនជីនចាប់ផ្ដើមរំកិលខ្លួនមកមុខ។ គាត់ហាក់ដូចជាចង់បើកទ្វារចេញ ហើយប្រញាប់ទៅបញ្ឈប់ការជប់លៀងដែលកំពុងធ្វើដោយរីករាយនិងបង្ក សំឡេងរំខាននៅខាងលើ។ «នេះជារឿងដ៏អាក្រក់ក្រៃលែង! ពេលនេះ នាងកំពុងនៅក្នុងបន្ទប់ទទួលភ្ញៀវរបស់ខ្ញុំ ស្លៀកសំពត់សូត្រនិងអាវធំ ហើយជប់លៀងដោយការចំណាយរបស់ខ្ញុំ!» «ប្រសិនបើនាងចំណាយ គឺនាងចំណាយក្នុងបន្ទុករបស់អ្នកស្រីហើយ! បារ៉ូនិងស្គីបវូសមិនទទួលខុសត្រូវលើអ្វីទាំងអស់! កាពីទែន គ្រូវីស្លាប់ទៅដោយមិនបានបង់ថ្លៃចំណាយចុងក្រោយឱ្យពួកយើងផង ហើយនោះគឺជាទឹកប្រាក់ដ៏ច្រើន!» [...]

ចុចអានភាគទី៦ទាំងស្រុង!