ការពិតកុមារាធ្លាប់យំឱប ខាត់ សុឃីម ជំនួសម្ដាយនៅ Cambodia's Got Talent ជាដៃស្គរពូកែ

2015-04-09 12:00:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ការពិតទៅកុមារា សួន បុរី ជាដៃស្គរស្ទាត់ជំនាញម្នាក់នៅក្នុងក្រុមតន្ត្រី S.E.D.2.R មុនពេលសម្រេចចិត្តចូលរួមប្រកួតប្រជែងកម្មវិធី Cambodia's Got Talent ទៅទៀត។ បើតាមសមាជិករួមក្រុមម្នាក់ឈ្មោះ អ៊ីងហ្វ៊ី ប្រាប់ Sabay មុននេះ។

ដៃបាស រូបនេះ បន្តថា៖ "គេតូចមែន! តែនៅក្នុងក្រុមចង់វាយស្គរយ៉ាងម៉េច ក៏អាចធ្វើបានដែរ មិនចាំបាច់ប្រាប់ច្រើនទេ គួរឱ្យសរសើរមែន"។ ប្រភពដដែលដំណាលឱ្យដឹងទៀតថា បុរី មានឪពុកជាដៃស្គរស្រាប់ទើបមានទេពកោសល្យដូច្នេះ។ ទន្ទឹមនឹងការងារតាមវង្សភ្លេង ក្នុងនាមជាឪពុកតែងឆ្លៀតពេលវេលា បង្ហាត់បង្រៀនកូនប្រុសរូបនេះ ជារៀងរាល់ថ្ងៃដែរ ធ្វើឱ្យកុមារាកំព្រាម្ដាយរូបនេះ មានសមត្ថភាពមិនចាញ់មនុស្សធំឡើយ។

ទោះបីជាយ៉ាងណា អ៊ីងហ្វ៊ី រំលឹកថា អតីតបេក្ខភាព Cambodia's Got Talent សួន បុរី បានមកចូលរួមជាមួយក្រុមតន្ត្រី S.E.D.2.Rជាងមួយឆ្នាំមកហើយ ហើយពូកគេតែងហ្វឹកហាត់លេងភ្លេងជាមួយគ្នារៀងរាល់ល្ងាច។ ក្នុងចំណោមសមាជិកទាំងអស់ ត្រូវប្ដូរវេនគ្នាម្ដងម្នាក់ទៅយកកុមារាដៃស្គរខាងលើពីផ្ទះ មកកន្លែងហាត់សម ខណៈឪពុករបស់គេមមាញឹកមិនមានពេលជូនកូនប្រុសមកនោះទេ។

ដៃបាស ខាងលើបានបន្ថែមទៀតថា នៅអំឡុងពេលនៃការហាត់សមជាមួយគ្នានេះ ពូកគេបានបង្កើតបទចម្រៀង Original មួយចំនួនសម្រាប់សម្ដែងក្នុងកម្មវិធីផ្សេងៗ ឬសាកលវិទ្យាល័យនានា តាមការអញ្ជើញ។ ដៃបាសដដែលអះអាងថា៖ "ទៅចូលរួមកម្មវិធីណាក៏ដោយ ពូកយើងលេងតែបទខ្លួនឯងប៉ុណ្ណោះ មិនយកបទគេទៅលេងដាច់ខាត"។ យុវជនរូបនេះ ស្នើឱ្យមានការគាំទ្រស្នាដៃរបស់ក្រុមខ្លួនផងដែរ៕

អានអត្ថបទ៖ តួលេខមិនធ្លាប់មាន Town និង សាន់ដេ អះអាងពីការលក់ដាច់ចម្រៀងចូលឆ្នាំជាង ៣០ ម៉ឺនបន្ទះ

អានអត្ថបទ៖ ទេព រិនដារ៉ូ បង្ហើបតិចនិករក្សាមិត្តភាពជិត ៣០ ឆ្នាំ ជាមួយ អម្ពរ ទេវី