តារាប្រុសកូរ៉េទាំង៧ ដែលគេចាត់ទុកជាបុរសពិត

2015-04-09 17:08:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំពោះតារាប្រុស K-Pop ម្នាក់ៗសុទ្ធតែមានរូបរាងសង្ហា និងមានស្ទីលលេងខ្លួនប្លែកៗពីគ្នាខណៈដែលមានតារាប្រុសមួយចំនួនត្រូវបានគេចាត់ទុកជាបុរសពេញលក្ខណៈដោយសាររូបរាងសម្បូរទៅដោយសាច់ដុំ និងកាយវិការជាមនុស្សប្រុស។ ថ្ងៃនេះ Sabay នឹងបង្ហាញតារាកូរ៉េប្រុសដែលប្រិយមិត្តកូរ៉េគិតថាជាប្រុសពិត៖

១ Taeyang

ជាសមាជិករបស់ Big Bang ថ្វីបើគាត់មិនសូវសង្ហាដូចតារាប្រុសដទៃពីព្រោះតែកម្ពស់មិនសូវខ្ពស់ ប៉ុន្តែគាត់មានស្ទីល Swag សាច់ដុំប្រាំមួយកង់ និងការរាំបញ្ចេញអស់ថាមពលជាមនុស្សប្រុស។

២ Bang Yong Guk

ជាប្រធានក្រុមរបស់ B.A.P ដែលល្បីឈ្មោះដោយសារសំឡេងស្អក គាត់មានរូបរាង និងកាយវិការពីធម្មជាតិដូចបុរសពិតនៅពេលសម្ដែង។

៣ Siwon

ក្នុងក្រុម Super Junior របស់គាត់សមាជិកទាំងអស់មានការរៀបចំខ្លួនខុសៗគ្នា ប៉ុន្តែ Siwon ចូលចិត្តការតែងខ្លួនជាបុរសពិតពេញលក្ខណៈជាមួយការស្លៀកពាក់ និងរាងកាយរឹងមាំ។

៤ Jay Park

អតីតសមាជិក 2PM រូបនេះត្រូវបានគេទទួលស្គាល់ជាបុរសពិតដោយសារកាយវិការដ៏រស់រវើកមានថាមពល ការលេងខោអាវ និងសិល្បៈនៃការសាក់រូបលើខ្លួនរបស់គាត់។

៥ Taecyeon

បញ្ជីឈ្មោះបុរសពិតមិនអាចខ្វះសមាជិក 2PM ម្នាក់នេះបានទេដោយសារគាត់មានរូបរាងសង្ហា ខ្ពស់ស្រលះ និងអ្វីដែលពិសេសនោះគាត់មានសាច់ដុំធំៗដែលគួរឲ្យទាក់ទាញ។

៦ Rain

គាត់ជាស្ដេចរាំនៅអាស៊ីនិងមាននារីជាច្រើនតាមស្រលាញ់ អ្នកណាក៏ចាត់ទុកRainជាបុរសពេញលក្ខណៈដែរពីព្រោះតែការច្រៀងនិងកាយវិការពិតជាទាក់ទាញ។

៧ T.O.P

ជាតារាដែលមានភាពស្ងប់ស្ងាត់តែមានការលេងខ្លួនទាក់ទាញ ក្នុងក្រសែភ្នែករបស់អ្នកគាំទ្រមិនដែលគិតថាគាត់ជាប្រុសស្អាតទេប៉ុន្តែជាបុរសសង្ហាដោយសារគាត់មានកម្ពស់ខ្ពស់ និងការរ៉េបដ៏អស្ចារ្យ។

អាន៖ CL ឈរលើ Lady Gaga និង Beyonce លើកំពូលតារាង TIME 100 ឆ្នាំ២០១៥

ប្រែសម្រួល៖ ហេង សុធារិទ្ធិ ប្រភព៖ koreaboo