ក្រុមហ៊ុន​ Rolls-Royce បាន​ចេញ​គម្រោង​រចនា​រថយន្ត​តួ​ខ្ពស់ (Project Cullinan) ស្រប​ពេល​ដែល​​​បង្ហាញ​ខ្លួន​ជា​សាធារណៈ​សម្រាប់​ធ្វើតេស្ត​សាក​ល្បង​ខាង​វិស្វកម្ម​​។

ក្រុមហ៊ុន Rolls-Royce Motor Cars បាន​ជូនដំណឹង​អំពី​ការ​វិវត្តន៍​នៃ​គម្រោង Project Cullinan (គម្រោង​ផលិត​​រថយន្ត​តួ​ខ្ពស់) ដោយ​បាន​ផ្សព្វ​ផ្សាយ​រូបភាព​បង្ហាញ​ពី​ដំណាក់​កាល​ដំបូង​នៃ​កម្មវិធី​អភិវឌ្ឍន៍​រថយន្ត​នេះ។

រូបភាព​ទាំងនោះ​បង្ហាញ​ពី​​​​រថយន្ត​សម្រាប់​ធ្វើតេស្ត​សាក​ល្បង​ខាង​វិស្វកម្ម​ជំហាន​ដំបូង និង​ត្រូវ​បាន​បង្ហាញ​នៅ​តាម​ដង​ផ្លូវ​សាធារណៈ​នៅ​សប្ដាហ៍​នេះ។

ដោយ​ផ្អែក​លើ​រូប​រាង​របស់​ម៉ូដែល Phantom Series II ដែល​ត្រូវ​បាន​តម្រឹម​​ខ្លី រថយន្ត​សម្រាប់​ធ្វើតេស្ត​​​​ជំហាន​ដំបូង​នេះ គឺ​ត្រូវ​បាន​បង្កើត​ឡើង​ដើម្បី​ជា​ការ​ចាប់​ផ្ដើម​អភិវឌ្ឍន៍​នូវ​​ប្រព័ន្ធ​បញ្ជា​កង់​ឲ្យ​វិល​ទាំង​បួន (AWD) ដែល​ជួយ​ដល់​ការ​បើក​បរ​​ងាយ​ស្រួល គ្រប់​ទីកន្លែង (Effortless … Everywhere) ។ រថយន្ត​​ធ្វើ​តេស្ត​​សាក​ល្បង​នេះ នឹង​ប្រើ​ប្រាស់​​ប្រព័ន្ធ​​គ្រឿង​​ក្រោម​​ប្រភេទ​​ថ្មី​ ដែល​នឹង​ជួយ​ដល់វិស្វករ​រថយន្ត Rolls-Royce ក្នុង​ការ​អភិវឌ្ឍន៍​នូវ​ប្រព័ន្ធ​បញ្ជា​កង់​ឲ្យ​វិល​ទាំង​បួន (AWD) ដែល​​ជួយ​ឲ្យ​ការ​បើក​បរ​ងាយ​ស្រួល​មិនថា​​លើ​ផ្លូវ​ធម្មតា ឬ​លើ​ផ្លូវ​ពិបាក។

ការ​ធ្វើតេស្ត​ជំហាន​ដំបូង​របស់​គម្រោង Project Cullinan នឹង​​ផ្ដោត​​លើ​​ផ្លូវ​ធម្មតា ដើម្បី​ពិនិត្យ​មើល​លើ​ចលនា​របស់​គ្រឿង​ក្រោម និង​លំនឹង​សម្រាប់​រថយន្ត​តួ​ខ្ពស់ ហើយ​ក៏​នឹង​ធ្វើតេស្ត​សាក​ល្បង​​នូវ​ប្រព័ន្ធ​គ្រឿង​ក្រោម​ប្រភេទ​ថ្មី​នេះ​ នៅ​លើ​គ្រប់​ប្រភេទ​ផ្ទៃ​ផ្លូវ​អន្តរជាតិ​​ នៅ​តាម​ទីកន្លែង​ធ្វើតេស្ត​សាក​ល្បង​យាន​យន្ត ក៏ដូចជា​នៅ​តាម​ដង​ផ្លូវ​សាធារណៈ។ ផ្ទៃ​ផ្លូវ​សម្រាប់​ការ​បើក​សាក​ល្បង​រួម​មាន៖ ផ្លូវ​ក្រាល​ថ្ម​រលាក់ (Belgian Pavé) ផ្លូវ​​គ្រួស ផ្លូវ​បេតុង​មាន​សណ្ឋាន​ជ្រួញ​ដូច​ស័ង្កសី ផ្លូវ​ដែល​បង្កើត​សំឡេង​ពេល​បើកបរ​ និង​អាចឲ្យ​វាស់​ពី​កម្រិត​សំឡេង ផ្លូវ​ដែល​មាន​សំឡេង​ខ្ទ័រ  និង​សន្ទុះ​ល្បឿន​ពេល​រលាក់​ជាដើម។

ប្រភព៖ blog.caranddriver.com