Van Persie ជាពីរបួសវិញហើយ អាចលេងជំនួប Manchester Derby បាន

2015-04-09 17:48:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Robin van Persie របស់ក្រុមបិសាចក្រហម Manchester United បានប្រកាសថា រូបគេត្រឡប់មកហ្វឹកហាត់ធម្មតាវិញហើយ និងអាចចូលលេងបានក្នុងការប្រកួតធំ Manchester Derby ដែល Man Utd នឹងប៉ះ Manchester City នៅ Old Traford នាថ្ងៃអាទិត្យនេះ។

ខ្សែប្រយុទ្ធជម្រើសជាតិហុល្លង់ Van Persie បានខកខានចូលលេងឲ្យក្រុមបិសាចក្រហម ៦ប្រកួតចុងក្រោយនេះ បន្ទាប់ពីរងរបួសកជើង អំឡុងពេលប្រកួតចាញ់ក្រុមក្ងាន Swansea ២-១ កាលពីថ្ងៃទី២១ ខែកុម្ភៈម្ល៉េះ។

អ្នកចាត់ការ Louis van Gaal បាននិយាយកាលពីសប្ដាហ៍មុនថា លោកមិនរំពឹងថាខ្សែប្រយុទ្ធលេខ២០របស់លោក អាច Fit ទាន់ការប្រកួតទល់នឹង Man City នោះទេ។ ប៉ុន្តែកាលពីថ្ងៃពុធម្សិលមិញ Van Persie បានបង្ហើបដំណឹងល្អមួយ ដល់អ្នកគាំទ្រ Man Utd។

កីឡាករវ័យ៣១ឆ្នាំ បាន Tweeted ថា៖ "ត្រឡប់មកធ្វើការហ្វឹកហាត់ ជាមួយនឹងក្រុមវិញហើយថ្ងៃនេះ គ្រប់យ៉ាងប្រសើរណាស់។ រីករាយណាស់ ដែល Fit និងអាចចូលលេងម្ដងទៀត។ ខ្ញុំនឹងរង់ចាំ ការប្រកួតបន្ទាប់របស់ខ្ញុំ"។

យ៉ាងណាក្ដី លោក Van Gaal ប្រហែលជាមិនទាន់ដាក់ Van Persie ឲ្យលេងជាជម្រើសដំបូងទេ ក្នុងការប្រកួត Derby ខាងមុខនេះ ខណៈដែលអំឡុងពេលអវត្តមាន ខ្សែប្រយុទ្ធដែលស៊ុតបាន១០គ្រាប់រូបនេះ Man Utd ចាញ់តែ១ដងប៉ុណ្ណោះ (ចាញ់ Arsenal, FA Cup) ហើយបច្ចុប្បន្នក្រុមបិសាចក្រហម កំពុងតែលេងល្អត្រូវជើងគ្នាថែមទៀត៕

-ចុចអាន៖ Van Persie នឹងអវត្តមានក្នុងការប្រកួត FA Cup ប៉ះ Arsenal

ប្រែសម្រួល៖ វិន ជីវ័ន្ត ប្រភព៖ Daily Mail