ក្រោយភាពអស្ចារ្យ នៃយន្តហោះដែលទម្លាក់ឡានពីលើអាកាស ក្នុងរឿង "Fast & Furious 7"

2015-04-09 20:39:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីត្បិតតែរឿង "Fast and Furious 7" ត្រូវបានថតចប់ និងចាក់បញ្ចាំងតាមរោងកុនទូទាំងពិភពលោកក្ដី ក៏យន្តហោះ ដែលយកទៅថតក្នុងវគ្គដ៏រំជើបរំជួលមួយនៃរឿងនេះពុំទាន់ត្រូវបានបញ្ឈប់ការផលិតនៅឡើយទេ។ កាលពីថ្ងៃទី៧ ខែមេសា កន្លងទៅ យន្តហោះ C-130 Hercules ក៏ដល់ខួប៦០ឆ្នាំរបស់ខ្លួនល្មម ដែលត្រូវបានគេប្រារព្ធធ្វើនៅរដ្ឋ Georgia សហរដ្ឋអាមេរិក។

ចុះមានដឹងអ្វីខ្លះពីយន្តហោះ ដែលត្រូវបានគេយកទៅថតរឿង "Fast and Furious 7" នេះដែរឬទេ? ខាងក្រោមនេះជាចំណុចមួយចំនួនទាក់ទងនឹងយន្តហោះ៖

យន្តហោះ C-130 Hercules មានប្រវែង៣០ម៉ែត្រ មានប្រវែងស្លាបទាំងពីរសរុប៤០ម៉ែត្រ ល្បឿន៥៩៣គីឡូម៉ែត្រ/ម៉ោង និងមានតម្លៃប្រហែល៦២លានដុល្លារ។ ពេលទើបផលិតកាលពី៦០ឆ្នាំមុន យន្តហោះ C-១៣០ Hercules មានស្លាបកង្ហារតែបួនប៉ុណ្ណោះ ប៉ុន្តែក្រោយមកបានបង្កើតឲ្យមានស្លាប៦វិញ សម្រាប់បង្ការនីមួយៗ។

ផលិតករភាពយន្តបានជួលយន្តហោះប្រភេទ C-130 Hercules នេះដើម្បីហោះហើរដោយផ្ទុកឡានចំនួនប្រាំគ្រឿង និងឲ្យហោះក្នុងកម្ពស់ ៣៦៥៧ ម៉ែត្រ ពេលទម្លាក់រថយន្តទាំងនោះចុះមកដីវិញ។

ក្រុមហ៊ុនដែលផលិតយន្តហោះនេះមានឈ្មោះថា Lockheed ដែលបានបង្កើតយន្តហោះទាំងនេះយូរជាងប្រភេទយន្តហោះទម្លាក់គ្រាប់បែក B-52 និងយន្តហោះស៊ើបការណ៍ល្បីល្បាញ U2 ទៅទៀត។ ប៉ុន្តែមិនដូចទៅនឹងប្រភេទយន្តហោះទាំងនោះទេ C-130 Hercules គឺមិនមានភាពល្បីល្បាញឡើយ។ ម្ល៉ោះហើយផលិតករភាពយន្ត "Fast and Furious 7" បានជ្រើសរើសយន្តហោះនេះ ដែលបានរចនាក្នុងឆ្នាំ ១៩៥០ ដើម្បីរំលឹកប្រាប់ឲ្យមនុស្សបានដឹងពីភាពជោគជ័យរបស់វា៕