វិធីសំខាន់៥យ៉ាងអាចវាយអក្សរលើ Smartphone បានលឿន
- 2015-04-13 18:00:30
- ចំនួនមតិ 0 | ចំនួនចែករំលែក 0
វិធីសំខាន់៥យ៉ាងអាចវាយអក្សរលើ Smartphone បានលឿន
ចន្លោះមិនឃើញ
ជាទូទៅទូរសព្ទ Smartphone មានទំហំមិនសូវជាធំប៉ុន្មាននោះទេ ដូច្នេះពេលសរសេរសារ ឬអត្ថបទអ្វីមួយគឺពិបាកក្នុងការវាយ និងមានភាពយឺតយ៉ាវ។ ដើម្បីបង្កើនល្បឿននៃការវាយឲ្យបានកាន់តែលឿនសូមអនុវត្តន៍វិធី និងដំណើរការមុខងារខាងក្រោមនេះ៖
របៀបកាន់វាយ
ដើម្បីវាយអក្សរបានលឿននៅលើ Keyboard របស់ទូរសព្ទ Smartphone ការយកដៃទាំងពីរកាន់ដោយប្រើម្រាមដៃទាំងពីរដើម្បីចុចគឺមានសភាពលឿនជាងការប្រើម្រាមដៃមួយក្នុងការចុច។ ប៉ុន្តែមានអ្នកប្រើប្រាស់មួយចំនួនគឺប្រើម្រាមដៃតែមួយទេក្នុងការវាយ ជាពិសេសគឺម្រាមចង្អុលដៃ។ តែបើយើងទម្លាប់ប្រើម្រាមដៃទាំងពីរក្នុងការវាយគឺវាអាចលឿនជាង។ យើងសន្មត់វាប្រៀបដូចជាការវាយលើ Keyboard របស់កុំព្យូរទ័រអញ្ចឹងដែរ ការកាន់ Smartphone ផ្ដេកនោះវានឹងមានផ្ទាំង Keyboard ធំហើយប្រើដៃទាំងពីរវាយវាផ្ដល់ភាពងាយស្រួល និងបានលឿនជាង។
ប្រើមុខងារ Autocorrect ឬ Word Predictions
ទូរសព្ទ Smartphone នាពេលបច្ចុប្បន្នគឺមានមុខងារ Autocorrect និង Word Predictions ដែលមុខងារទាំងនេះកែពាក្យដែលវាយខុសដោយស្វ័យប្រវត្តិ និងបង្ហាញនូវពាក្យដែលយើងមិនទាន់បានវាយចប់ទៅតាមអក្សរដែលយើងបានវាយ និងឲ្យយើងជ្រើសរើសពាក្យណាមួយដែលយើងចង់ប្រើ។
***លើ Android ចូលទៅ Settings > Language and input > ប៊ូតុង Setting របស់ Google Keyboard > Text Correction> Auto-Correction ឬចូល Setting របស់ Default Keyboard ចុចលើ Predictive Text ហើយគ្រីសលើ Use Predictive Text ។ ***លើ iPhone : Setting > General> Keyboard រួច Enable កន្លែង Predictive និង Auto-Correction និងមុខងារផ្សេងទៀតដូចជា។
ការប្រើសំឡេង ( Voice Typing )
Smartphone ក៏មានមុខងារមួយផ្សេងទៀតដែរមានឈ្មោះថា Voice Typing អាចឲ្យអ្នកប្រើប្រាស់វាយអត្ថបទដោយការបញ្ចូលជាសំឡេង។ រាល់ពាក្យដែលបាននិយាយ វានឹងបំលែងទៅជាអត្ថបទអក្សរ។ ប៉ុន្តែវាតម្រូវឲ្យអានច្បាស់លាស់។ នៅលើ Keyboard របស់ iPhone និង Android គឺមានរូប Microphone ស្រាប់ដោយគ្រាន់តែចុចទៅវានោះ វានឹងដំណើរការឲ្យអ្នកប្រើប្រាស់បញ្ចូលសំឡេងភ្លាម។ តែសម្រាប់ទូរសព្ទមួយចំនួនទៀតប្រហែលជាទាមទារឲ្យដំឡើងកម្មវិធីបន្ថែម។
ដំណើរការមុខងារ Swipe-to-Type
Swipe-to-type ក៏ជាមុខងារមួយដែលអាចបន្ថែមល្បឿននៃការវាយឲ្យបានកាន់តែលឿនដែរ។ នៅពេលអ្នកប្រើប្រាស់ដំណើរការមុខងារនេះគឺគ្រាន់តែអូសម្រាមដៃនៅលើអក្សរលើ Keyboard ដែលចង់វាយវានឹងបង្ហាញពាក្យនោះ។ ឧទាហរណ៍ប្រសិនបើចង់វាយពាក្យ “dog” អ្នកគ្រាន់តែដាក់ម្រាមដៃលើ “d” រួចអូសទៅអក្សរ “o” អូសទៅអក្សរ “g” រួចដកដៃចេញ វានឹងបង្ហាញពាក្យ "dog” ភ្លាម។
ចំពោះទូរសព្ទ Android ភាគច្រើនគឺមានមុខងារនេះនៅលើ Defaul Keyboard ស្រាប់ ដោយគ្រាន់តែចូលទៅកាន់ Settings > Language and input > keyboard settings > Samsung Keyboard រួចចុចលើ Keyboard Swipe ចុចលើ Continuous Input។ សម្រាប់ទូរសព្ទ Smartphone ផ្សេងទៀត មួយចំនួនក៏មាន ហើយមួយចំនួនផ្សេងទៀតគឺអាចដោនឡូតកម្មវិធី Keyboard ប្រភេទ Swype ឬ SwiftKey ពី app store ដើម្បីដំឡើង។
បន្ថែមពាក្យ Shortcut ដោយខ្លួនឯង (Personal Shortcut)
Text expansion shortcut ក៏អាចជួយបង្កើនល្បឿននៃការវាយអក្សរឲ្យបានកាន់តែលឿនដែរ។ ដោយមុខងារនេះឲ្យអ្នកប្រើប្រាស់ធ្វើការកំណត់ពាក្យណាមួយសម្រាប់តំណាងឲ្យពាក្យឬឃ្លាដែលចង់ប្រើ។ ដោយអ្នកប្រើប្រាស់គ្រាន់តែវាយនូវពាក្យខ្លី(Shortcut)ណាមួយដែលបានកំណត់នោះវានឹងបង្ហាញដោយស្វ័យប្រវត្តិ។ ឧទាហរណ៍ Shortcut "Hau" ដំណាងឲ្យ "Hello, How are you? " នៅពេលវាយគឺគ្រាន់តែវាយពាក្យ Hau វានឹងបង្ហាញ Hello, How are you? ហើយការកំណត់នេះក៏អាចប្រើបាននៅលើកុំព្យូទ័រដែរ។
នៅលើ Android ចូលទៅ Settings > Language and input > ប៊ូតុងSetting របស់ Google Keyboard > Text Correction > Personal Dictionary > ចុចលើសញ្ញា (+) នៅផ្នែកខាងលើ រួចបញ្ចូលពាក្យដែលចង់បាន និង វាយបញ្ចូលពាក្យតំណាងជាការស្រេច។
សម្រាប់ iPhone ៖ Setting> General>Keyboard> Shortcut> ចុចលើសញ្ញា (+) > បន្ថែមឃ្លា ឬពាក្យដែលចង់បញ្ចូល រួចបញ្ចូលពាក្យ Shortcut រួចចុចប៊ូតុង Save។
អានបន្ត៖មូលហេតុធំ៤យ៉ាងធ្វើឲ្យរូបភាពព្រាលពេលថតដោយSmartphone
ប្រែសម្រួល៖ សំនៀង ប្រភព៖howtogeek