ប្រដាប់ការពារធ្មេញរបស់ Floyd ធ្វើពីមាស និងពេជ្រ

2015-04-10 20:24:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រដាប់ការពារធ្មេញ របស់កំពូលអ្នកប្រដាល់ Floyd Mayweather គឺធ្វើពីសារធាតុមាស ពេជ្រ និងបង្កប់លុយសុទ្ធក្រដាស ១០០ដុល្លារនៅក្នុងនោះ។ នេះបើតាមការបង្ហាញពី TMZ Sports។

បើយោងតាមសារព័ត៌មាន TMZ Sports បានឲ្យដឹងថា ប្រដាប់ការពារធ្មេញរបស់អ្នកប្រដាល់អាមេរិក ដែលមានរហ័សនាមថា៖ "Money Mayweather” នេះ គឺមានតម្លៃប្រហែល ២ម៉ឺន៥ពាន់ដុល្លារ ដែលរចនាឡើងដោយពេទ្យធ្មេញ និងអ្នកជំនាញធ្វើប្រដាប់ការពារធ្មេញសម្រាប់អ្នកប្រដាល់ដ៏ល្បី នៅទីក្រុង New York លោកវេជ្ជបណ្ឌិត Lee Gause។

ប្រដាប់ការពារធ្មេញ សម្រាប់ត្រៀមប្រកួតលំដាប់ពិភពលោកខាងមុខ របស់ Floyd នេះ គឺត្រូវបានផលិតឡើងពីសារធាតុមាស ពេជ្រ និងលុយសុទ្ធក្រដាស ១០០ដុល្លារបង្កប់នៅក្នុងប្លាស្ទិក ខណៈដែលនៅផ្នែកខាងក្រៅមានបិទតែម ឈ្មោះរបស់គេ "M, THE MONEY TEAM”។

លោកវេជ្ជបណ្ឌិត Lee Gause បានប្រាប់ថា៖ "Floyd បាននិយាយថា ប្រដាប់ការពារធ្មេញ ដែលផលិតដោយថ្វីដៃរបស់ខ្ញុំ គឺជួយឲ្យគាត់ អាចដកដង្ហើមបានស្រួលជាង ប្រដាប់ការពារធ្មេញធម្មតា"។

អ្នកប្រដាល់មិនដែលចាញ់ វ័យ៣៨ឆ្នាំរបស់អាមេរិកFloyd នឹងត្រូវឡើងសង្វៀនតទល់នឹងកំពូលអ្នកប្រដាល់អាស៊ីរបស់ហ្វីលីពីន Manny Pacquiao នៅទីក្រុង Las Vegas នាថ្ងៃទី០២ ខែឧសភាខាងមុខនេះ៕

-ចុចអាន៖ Floyd និង Pacquiao ចេញឈុតផ្សព្វផ្សាយផ្លូវការ មុនប្រកួត

ប្រែសម្រួល៖ វិន ជីវ័ន្ត ប្រភព៖ Metro