អន្សមយក្សចាប់វេចហើយ ប្រើពេលស្ងោរ៥០ម៉ោង និងអស់ឧស១០០ម៉ែត្រគីប

2015-04-10 21:02:12
ចំនួនមតិ 0 | ចំនួនចែករំលែក 0

ចន្លោះមិនឃើញ

អន្សមយក្សសម្រាប់ថ្ងៃអង្គរសង្ក្រាន្ត ដែលពលរដ្ឋកម្ពុជា និងទេសចរអន្តរជាតិកំពុងទន្ទឹងចាំ មានទម្ងន់សរុបជាង៣តោន នឹងវេចចេញជារូបរាងល្ងាចនេះ ហើយហោចណាស់គេត្រូវប្រើពេល៥០ម៉ោងឬដល់៣ថ្ងៃ ដើម្បីស្ងោរវា។

វិនាទីពេលនេះក្រុមចុងភៅចំនួន១០០ នាក់ ដែលគ្រងដោយឯកសណ្ឋានផ្ទះបាយពណ៌ស កំពុងរៀបចំយ៉ាងញាប់ដៃជើងគ្រប់ៗគ្នានៅ ឯសណ្ឋាគារ Angkor Palace Resort and Spa ទីតាំងវេចនិងស្ងោរ។

លោក ចាន់ សុភា អ្នកចាត់ការទូទៅប្រចាំសមាគមចុងភៅកម្ពុជា ថា ចុងភៅ បានបែកចែកជា៧ក្រុមធ្វើការរៀងៗខ្លួន ដូចជាក្រុមរៀបស្លឹកចេក ចំហុយសណ្ដែក អង្ករ រៀបចំណង ជាដើម តាំងពីម៉ោង៨ព្រឹកនេះម៉្លេះ បន្ទាប់ពីបើកពិធីក្រុងពាលី។

លោកថាមកដល់ម៉ោងនេះ ការរៀបចំ ស្លឹកចេក ចំណងចេក សណ្ដែក អង្ករ សាច់ជាដើម គឺរួចរាល់ស្ទើរពាក់កណ្ដាលហើយ។ «ឥឡូវនេះសឹងថាហើយអស់ហើយ គឺចាំតែចំហុយអង្ករ សណ្ដែក ទុកឲ្យត្រជាក់ ត្រជាក់ហើយយើងអាចនឹងចាប់វេចជានំនៅម៉ោង៥ទៅ៦ឬ៧ ល្ងាចនេះ គឺចាំឲ្យតែត្រជាក់»។ លោក ចាន់ សុភា រៀបរាប់។

លោកថា សណ្ដែក អង្ករ សាច់ជ្រូក សុទ្ធតែបានចំហុយឆ្អិនជាស្រេច មុននឹងវេចខ្ចប់ ដែលប្រើស្លឹកចេក ៣៣៣ គីឡូក្រាម ដើម្បីវេច និងខ្សែចំណងចេកសម្រាប់រុំ ៣៧៣គីឡូក្រាម។ ឆ្នាំនេះវិធីស្ងោរនំគឺមានបច្ចេកទេសខ្ពស់ជាងឆ្នាំមុន ដែលប្រើប្រដឹសឫស្សីផ្អោបនំដាក់ស្ងោរ តែឆ្នាំនេះគេបានកាត់ពុម្ពអ៉ីណុកជាស្រេចសម្រាប់ដាក់នំស្ងោរ ដែលនឹងធ្វើរូបរាងនំមើលទៅប្រសើរជាងឆ្នាំមុន។

សកម្មភាពរៀបចំ

ខាងក្រោមនេះជាវត្ថុធាតុដើមដែលចុងភៅកំពុងខ្វែងដៃខ្វែងជើងរៀបចំ៖

អង្ករដំណើប ១០០០ គីឡូក្រាម ខ្ទិះដូង ៤៩៩គីឡូក្រាម អំបិល ១៨គីឡូក្រាម សណ្ដែកបាយ ៤៩៩គីឡូក្រាម សាច់ជ្រូក៣ជាន់ ៥០៧គីឡូក្រាម ស្ករ ៤គីឡូក្រាម ម្រេចកំពត ៣គីឡូក្រាម ខ្ទឹមសចិញ្ច្រាំ ១០គីឡូក្រាម ស្លឹកខ្ទឹម១៦គីឡូក្រាម ស្លឹកចេក ៣៣៣គីឡូក្រាម ខ្សែចំណងចេក ៣៧៣គីឡូក្រាម

នំដែលមានគ្រឿងផ្សំឆ្អិនស្រាប់នេះ នឹងវេចរួចដាក់ស្ងោរនៅល្ងាចនេះ ហើយអាចប្រើពេលយ៉ាងតិចក៏៥០ម៉ោង ដោយប្រើភ្លើងឧសដុត។ វាអាចនឹងឆ្អិននៅព្រឹកថ្ងៃទី១២មេសា ហើយតិចណាស់ កំណាត់ឧសចំនួន១០០ម៉ែត្រគីប បានត្រៀមសម្រាប់ដុតចម្អិន។ នំអាចនឹងដឹកចេញទៅកាន់ទីតាំងបង្ហាញនៅថ្ងៃទី១៣មេសា៕

អត្ថបទ៖ ប៉ែន សុផាន់ណា រូបភាព៖ ក្រុមការងារវីដេអូឯកសារអង្គរសង្ក្រាន្ត

ពាក្យទាក់ទង

អង្គរសង្រ្កាន្ដ

អត្ថបទពេញនិយម

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ដាក់ប្រាក់កាក់ក្នុងមាត់មនុស្សស្លាប់ ដើម្បីអ្វី?

ស្តេច Off-Road ថ្មី? GWM បញ្ចេញ Tank 700 ស៊េរីថ្មី កម្លាំងដល់ទៅ ៨៥២ សេះ បំពាក់បច្ចេកវិទ្យាទំនើបបំផុត

មកដឹងក្បួនតម្រាទិញរបស់ទ្រព្យ តាមថ្ងៃនីមួយៗ ទើបនាំលាភសំណាងដល់ខ្លួន និងគ្រួសារ

មកដឹងឆ្នាំកំណើតដែលជាគូនឹងឆ្នាំរបស់អ្នក!

កក្រើកពិព័រណ៍រថយន្តក្រុងប៉េកាំង! BYD បង្ហាញមុខ Atto 3 រូបរាងធំជាងមុន និងបច្ចេកវិទ្យាសាកថ្មលឿន "Flash Charging" ត្រឹម ៥ នាទី

អត្ថបទថ្មី

ក្រុមហ៊ុនកង់បីបាចាច ឈានមុខគេនៅកម្ពុជាជាង10ឆ្នាំ និងជឿជាក់ដោយអ្នកបើកបរខ្មែរជាង100 000នាក់!

ក្រុមហ៊ុន អារ៉ាខាវ៉ា បន្តជោគជ័យលើគម្រោងទី២ ក្នុងខណ្ឌដង្កោ ក្រោមគោលការណ៍អភិវឌ្ឍប្រកបដោយទំនួលខុសត្រូវពីវិនិយោគិនជប៉ុន

ក្រុមហ៊ុន Herbalife ប្រចាំប្រទេសកម្ពុជាចែករំលែកអំពីប្រធានបទសារៈសំខាន់ នៃនីទ្រីកអុកស៊ីតចំពោះសុខភាពបេះដូង

ជួបគ្នានៅវគ្គផ្តាច់ព្រ័ត្រ! Paris Saint-Germain នឹងត្រូវប្រជែងដណ្តើមពានរង្វាន់ឆេមពាន លីគជាលើកទីពីរជាប់ៗគ្នា!

ក្រុមហ៊ុន Herbalife និងកីឡាករលំដាប់ពិភពលោក Cristiano Ronaldo នាំយកអាហារូបត្ថម្ភសម្រាប់ការបង្កើនសមត្ថភាពរាងកាយ មកកាន់ទម្លាប់រស់នៅប្រចាំថ្ងៃ តាមរយៈយុទ្ធនាការ "Fuel Like Ronaldo”

មោទនភាពកូនខ្មែរ! ធីភីស៊ី ភីហ្សា (TPC Pizza) ប្រកាសបើកសម្ពោធជាផ្លូវការ ១១ សាខាភ្លាមៗក្នុងរាជធានីភ្នំពេញ ជាមួយរសជាតិដែលយល់ចិត្តខ្មែរពិតៗ