ក្រោមការដឹកនាំរបស់លោក Luis Enrique ក្រុម PSG បានសម្រេចនូវអ្វីដែលគ្រប់គ្នានឹកស្មានមិនដល់ ដោយបានរួមបញ្ចូលគ្នាយ៉ាងល្អឥតខ្ចោះរវាងការគ្រប់គ្រងបាល់ និងការវាយបកយ៉ាងរហ័ស ព្រមទាំងការដាក់សម្ពាធយ៉ាងខ្លាំងទៅលើគូប្រកួត។ ក្នុងនាមជាដៃគូផ្លូវការរបស់ 1xBet ក្រុម Paris Saint-Germain នឹងបង្ហាញខ្លួនក្នុងវគ្គផ្តាច់ព្រ័ត្រនៃពានរង្វាន់បាល់ទាត់ដ៏មានកិត្យានុភាពបំផុតនេះជាលើកទីពីរជាប់ៗគ្នា។

វិថីឆ្ពោះទៅកាន់ការប្រកួតសម្រេចជោគវាសនារបស់ក្រុមទីក្រុងប៉ារីសក្នុងពានរង្វាន់ឆេមពានលីគ

ក្រុមរហស្សនាម «ក្រហម និងខៀវ» ហាក់ដើរតាមគន្លងចាស់នៃយុទ្ធនាការអឺរ៉ុបរដូវកាលមុន។ ក្នុងវគ្គសន្សំពិន្ទុ PSG បានចំណាយពេលកម្តៅសាច់ដុំដើម្បីស្វែងរកទម្រង់លេង ហើយប្រឈមនឹងបញ្ហាកីឡាកររងរបួស។ ពួកគេបានបញ្ចប់ទៅក្នុងចំណាត់ថ្នាក់លេខ 11 ដោយទទួលបាន 14 ពិន្ទុ ពីការប្រកួត 8 លើក ដែលជាលទ្ធផលគ្រប់គ្រាន់សម្រាប់ឡើងទៅវគ្គបន្ត។

ឈានចូលដល់វគ្គជម្រុះម្តងទៀត ជំនួបរវាងក្រុមរួមលីគបារាំងដូចគ្នាបានធ្វើឱ្យគ្រប់គ្នានឹកឃើញដល់រដូវកាលមុន។ បើទោះជាលើកនេះត្រូវប្តូរពីក្រុម Brest មកជួបក្រុមជើងចាស់ Monaco ក៏ដោយ ក៏លទ្ធផលនៅតែដដែល គឺក្រុម «ក្រហម និងខៀវ» ជាអ្នកឈ្នះឡើងទៅវគ្គបន្ត។ បន្ទាប់មក PSG បានបង្ហាញភាពខ្លាំងដោយបានទម្លាក់ក្រុមយក្សមកពី Premier League យ៉ាងគួរឱ្យភ្ញាក់ផ្អើល។ ក្នុងវគ្គ 16 ក្រុម ពួកគេបានទម្លាក់ Chelsea និងបន្តយកឈ្នះ Liverpool មិនឱ្យតដៃរួច។

ឧបសគ្គដ៏ធំបំផុតនៅលើវិថីឆ្ពោះទៅកាន់ទីក្រុង Budapest គឺការជួបជាមួយ Bayern Munich។ ក្រុមទាំងពីរបានបង្កើតការប្រកួតដ៏អស្ចារ្យនៅកីឡដ្ឋាន Parc des Princes ដែលបញ្ចប់ទៅដោយលទ្ធផល 5-4 សម្រាប់ម្ចាស់ផ្ទះ ហើយត្រូវបានគេចាត់ទុកថាជាការប្រកួតដែលជក់ចិត្តបំផុតក្នុងកម្មវិធីប្រកួតទាំងមូល។

សម្រាប់ការប្រកួតជើងទីពីរនៅទីក្រុង Munich កីឡាករ Ousmane Dembélé បានស៊ុតបញ្ចូលទីនាំមុខតាំងពីនាទីទី 3 ដែលធ្វើឱ្យក្រុម «ក្រហម និងខៀវ» កាន់តែមានប្រៀប។ លទ្ធផលបញ្ចប់ការប្រកួត 1-1 បានជួយឱ្យ PSG ឡើងទៅវគ្គផ្តាច់ព្រ័ត្រជាលើកទីពីរជាប់ៗគ្នា។

វីរបុរស និងរបៀបលេងដ៏លេចធ្លោរបស់ Paris Saint-Germain

អាថ៌កំបាំងនៃភាពជោគជ័យរបស់លោក Luis Enrique គឺការបញ្ចូលគ្នារវាងចំណុចខ្លាំងរបស់ក្រុមខ្លាំងៗបំផុតទាំងពីរក្នុងទសវត្សរ៍ចុងក្រោយនេះ ពោលគឺការគ្រប់គ្រងបាល់ដ៏មានប្រសិទ្ធភាពរបស់ Manchester City ក្រោមការដឹកនាំរបស់ Pep Guardiola និងការដាក់សម្ពាធយ៉ាងខ្លាំងរបស់ Liverpool ក្រោមការដឹកនាំរបស់ Jürgen Klopp។ ការរួមបញ្ចូលគ្នានេះ ធ្វើឱ្យ PSG មានឧត្តមភាពលើគូប្រកួតទាំងការលេងតាមទីតាំង និងការវាយបក។

បើក្រឡេកមើលរបៀបលេងរបស់ PSG បច្ចុប្បន្ន គេច្បាស់ជានឹកឃើញដល់វីដេអូដ៏ល្បីមួយតាមអ៊ីនធឺណិត ដែលបង្ហាញពីការវិភាគយុទ្ធសាស្ត្ររបស់លោក Luis Enrique ទៅកាន់ Kylian Mbappé ថា៖ «ឯងត្រូវតែដេញបុក! ឯងត្រូវតែចុះមកជួយខ្សែការពារ! ឯងត្រូវតែជាអ្នកនាំមុខគេក្នុងការលេងការពារសម្រាប់ក្រុមទាំងមូល!»។ ហើយនៅពេលនេះ ខ្សែប្រយុទ្ធទាំងអស់របស់លោកកំពុងលេងតាមការណែនាំនេះបេះបិទ។ ក្នុងរយៈពេលប៉ុន្មានរដូវកាលចុងក្រោយនេះ ក្រុម «ក្រហម និងខៀវ» បានក្លាយជាគំរូឈានមុខគេនៃស្មារតីក្រុម។ ប្រព័ន្ធលេងដែលរៀបចំដោយលោក Luis Enrique មិនបានដាក់កម្រិតលើសមត្ថភាពបុគ្គលរបស់កីឡាករឡើយ តែផ្ទុយទៅវិញ វាជួយជំរុញចំណុចខ្លាំងរបស់ពួកគេឱ្យកាន់តែលេចធ្លោ។ ជាក់ស្តែង កីឡាករ Khvicha Kvaratskhelia បានបំបែកកំណត់ត្រាឆេមពានលីគ ដោយក្លាយជាខ្សែប្រយុទ្ធស្លាបសញ្ជាតិហ្សកហ្ស៊ីដែលអាចរកគ្រាប់បាល់ ឬបញ្ជូនបាល់ឱ្យមិត្តរួមក្រុមស៊ុតបញ្ចូលទីបាន 7 ប្រកួតជាប់ៗគ្នាក្នុងវគ្គជម្រុះតែមួយ។

ក្នុងពេលជាមួយគ្នា ម្ចាស់ពានរង្វាន់ Ballon d’Or កីឡាករ Ousmane Dembélé និង Désiré Doué នៅតែបន្តបង្ហាញទម្រង់លេងយ៉ាងអស្ចារ្យ ខណៈដែលដៃគូខ្សែបម្រើព័រទុយហ្គាល់ Vitinha និង João Neves គ្រប់គ្រងចង្វាក់ហ្គេមបានយ៉ាងល្អឥតខ្ចោះ ដោយអាចបត់បែនពីការវាយបកលឿនៗ មកជាការគ្រប់គ្រងបាល់តាមយុទ្ធសាស្ត្រវិញ។ លើសពីនេះ លោក Luis Enrique នៅមានកីឡាករល្អៗនៅលើកៅអីបម្រុងដូចជា Bradley Barcola, Lee Kang-in និង Warren Zaïre-Emery ដែលត្រៀមខ្លួនចូលមកពង្រឹងក្រុមគ្រប់ពេល។

1xBet សូមចូលរួមអបអរសាទរយ៉ាងខ្លាំងចំពោះក្រុម Paris Saint-Germain ដែលបានឡើងដល់វគ្គផ្តាច់ព្រ័ត្រនៃពានរង្វាន់លំដាប់កំពូលមួយនេះជាលើកទីពីរជាប់ៗគ្នា។ ក្រុម «ក្រហម និងខៀវ» នឹងត្រលប់មកប្រជែងដណ្តើមជើងឯកម្តងទៀតដើម្បីបង្ហាញថា ជើងឯកពិតប្រាកដមិនមែនសំដៅលើអ្នកដែលឡើងទៅដល់ចំណុចកំពូលតែម្តងនោះទេ ប៉ុន្តែគឺជាអ្នកដែលចេះរក្សាភាពខ្លាំងនៅទីនោះបានយូរអង្វែង។