ម៉ារីម៉ា មានផ្ទៃពោះហើយ
- 2015-04-17 16:38:25
- ចំនួនមតិ 0 | ចំនួនចែករំលែក 0
ម៉ារីម៉ា មានផ្ទៃពោះហើយ
ចន្លោះមិនឃើញ
Marian Rivera ដែលប្រិយមិត្តស្គាល់ថា ម៉ារីម៉ា និងស្វាមី Dingdong Dantes បានអះអាងថា ពួកគេមានកូនជាមួយគ្នាហើយ។ ប្ដីប្រពន្ធថ្មីថ្មោងមួយគូនេះ បានប្រកាសឱ្យដឹងក្នុងកិច្ចសម្ភាសន៍មួយ ក្នុងកម្មវិធី 24 Oras របស់ទូរទស្សន៍ GMA-7 កាលពីពេលថ្មីៗកន្លងទៅ។
Dingdong ដែលជាស្វាមី បាននិយាយថា "ពួកយើងចង់ប្រាប់អ្នកទាំងអស់គ្នាថា ព្រះប្រទានយើងនូវកាដូដ៏អស្ចារ្យមួយ គឺកាដូជីវិត"។ តារាសម្ដែងរូបនេះបន្ថែមថា "បង្កើតគ្រួសារជាហេតុផលសំខាន់ ដែលពួកយើងរៀបការ ដូច្នេះយើងចង់បានកូនដំបូង ក្នុងពេលដ៏សមស្របមួយ"។
នៅពេលសួរថា ពួកគេចង់បានកូនស្រី ឬប្រុស Dingdong ថ្លែងថា "យើងមិនប្រកាន់ភេទថាប្រុស ឬស្រីឡើយ កូនគឺជាអ្វីដែលយើងចង់បាន"។
Marian និង Dingdong បានរៀបការជាមួយគ្នានៅខែធ្នូ ឆ្នាំ២០១៤ ហើយក្នុងបទសម្ភាសន៍មុនៗ តួនាងម៉ារីម៉ា បានឱ្យដឹងថា នាងត្រៀមខ្លួនធ្វើជាម្ដាយរួចជាស្រេចហើយ៕
សកម្មភាពប្រធានាធិបតីហ្វីលីពីន ក្នុងមង្គលការ ម៉ារីម៉ា
ប្រែសម្រួល៖ អ៊ុំ សុភក្តិ ប្រភព៖ khaleejtimes
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
