Lee Min Ho ត្រូវប្ដូរកន្លែងថតនៅចិនព្រោះ Fan សម្រុកចង់ជួបច្រើនពេក

2015-04-20 17:10:04
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Lee Min Ho បានប្ដូរទីតាំងថត និងផ្អាកថតពាណិជ្ជកម្មភ្លាមៗ នៅប្រទេសចិន ព្រោះតែអ្នកគាំទ្រលើកគ្នា មកមើលច្រើនខ្លាំងពេក ជាហេតុពិបាកក្នុងការថត និងអាចបង្កឱ្យមានគ្រោះថ្នាក់។

ហ្វូងអ្នកគាំទ្របានតាម Lee Min Ho ពីប្រលានយន្តហោះរហូតមក ដែលធ្វើឱ្យពិបាកថត ហើយបុគ្គលិកផលិតកម្ម ក៏សម្រេចចិត្តផ្លាស់ប្ដូរទីតាំងភ្លាមៗ ដើម្បីគេចចេញពីអ្នកគាំទ្រទាំងនោះ។

ភ្នាក់ងាររបស់តារា ដែលកំពុងតែស្រលាញ់គ្នា ជាមួយតារាចម្រៀង Suzy រូបនេះ បាននិយាយថា "យើងបានផ្អាកថត ដោយសារមានមនុស្សច្រើនពេក ម្ល៉ោះហើយយើងក៏បានបើកកិច្ចប្រជុំបន្ទាន់មួយ។ ទោះជាយ៉ាងណា យើងនៅតែអាច បញ្ចប់ការថតបានជោគជ័យ ដោយមានការជួយជ្រោមជ្រែងពីបុគ្គលិក និងការសហការដ៏ល្អពីអ្នកគាំទ្រ"។

បុគ្គលិកម្នាក់ ដែលធ្វើការខាងថតនេះ ប្រាប់ប្រព័ន្ធផ្សព្វផ្សាយថា "វាពិតជាមានមនុស្សច្រើនណាស់ តែ Lee Min Ho នៅតែញញឹម និងរក្សាជំហររបស់ខ្លួនបានយ៉ាងល្អ។ អ្នករាល់គ្នា បានកើតសរសើរពីទឹកចិត្តរបស់គាត់ បើទោះមានការរំខានច្រើនក្ដី។ ពេលមានក្មេងម្នាក់ រត់ចេញពីហ្វូងមនុស្ស ក្រុមការងារព្យាយាមចាប់នាង តែគាត់បានដើរទៅកាន់ក្មេងនោះ និងចាប់ដៃនាង"៕