វីដេអូ បីថ្ងៃកកកុញរាំផ្អើលនៅ Pub Street សៀមរាប

2015-04-20 21:08:03
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូខាងក្រោមនេះ គឺជា សកម្មភាពរបស់យុវវ័យខ្មែរ និង បរទេសរាំលេងកម្សាន្តនៅតំបន់ Pub Street ជិតផ្សាររាត្រី នាខេត្តសៀមរាប។ Pub Street គឺជា ទីកន្លែងសំខាន់មួយនៃក្រុងសៀមរាប ដែលអ្នកទេសចរមកលេងមិនសូវជារំលងឡើយ។ តំបន់នេះ មនុស្សម្នាបានជួបជុំគ្នានៅពេលយប់ ដោយអាចហូបអាហារនៅតាមដងផ្លូវ ឬ ភោជណីយដ្ឋាននានា និង រាំលេងកម្សាន្តតាមក្លឹប និង តាមផ្លូវក៏មាន។ មិនថា តែថ្ងៃចូលឆ្នាំខ្មែរទេ ថ្ងៃធម្មតាក៏មានការរាំលេងបែបនេះដែរ គ្រាន់តែមិនសូវជាច្រើនប៉ុណ្ណោះ។

ថ្ងៃចូលឆ្នាំខ្មែរ រយៈពេល ៣ ថ្ងៃ កន្លងទៅនេះ Pub Street អាជ្ញាធរបានបិទផ្លូវ ហើយរៀបចំឲ្យមានការប្រគំតន្ត្រី( Concert) នៅតាមផ្លូវ ដោយមាន DJ ចាក់ភ្លេង ឲ្យភ្ញៀវរាំលេង។ មិនត្រឹមតែរាំលេងយ៉ាងសប្បាយប៉ុណ្ណោះទេ អ្នកដែលបានមកកម្សាន្តទីនេះ បានយកម្សៅប៉ាតមុខមាត់គ្នាទៅវិញទៅមក ហើយអ្នកខ្លះបានជះទឹកដាក់គ្នាថែមទៀតផង ដើម្បីអបអរពិធីចូលឆ្នាំប្រពៃណីជាតិ។

ឱកាសនោះ មិនមានអ្នកណាប្រកាន់ខឹងអ្នកណាឡើយ ហើយពូកគេ បានបន្តរាំលេងយ៉ាងសប្បាយរីករាយ។ សកម្មភាពនេះ បានចាប់ផ្ដើមតាំងពីម៉ោង ៨ ល្ងាច រហូតដល់ម៉ោង ២ រំលងអាធ្រាត្រ ក្នុងអំឡុងបុណ្យចូលឆ្នាំខ្មែរប្រពៃណីជាតិ។ នេះជាការចងចាំមិនអាចបំភ្លេចបានទៅច្រើនឆ្នាំទៅមុខក៏ដោយ។

ប្រិយមិត្តមើលតិចមើល៍ មានរូបនៅក្នុងវីដេអូនេះអត់? ឆ្នាំក្រោយចង់ទៅលេង អង្គរសង្ក្រាន្តទៀតទេ?

វីដេអូ