សំបុត្រចូលមើលការប្រកួត Floyd Vs Pacquiao ចេញលក់ផ្លូវការហើយ

2015-04-23 18:39:48
ចំនួនមតិ 0 | ចំនួនចែករំលែក 0

ចន្លោះមិនឃើញ

សំបុត្រចូលមើលការប្រកួតរវាង Floyd Mayweather និង Manny Pacquiao នៅថ្ងៃទី២ ខែឧសភាបានប្រកាសចេញលក់ជាផ្លូវការហើយនៅថ្ងៃនេះ ប៉ុន្តែមានតែសំបុត្រចំនួន១០០០សន្លឹកទេ ដែលត្រូវដាក់លក់ជាសាធារណៈ ហើយមានតម្លៃចាប់ពី ១៥០០ដុល្លារដល់ ៧៥០០ដុល្លារអាមេរិក។

ការប្រកួតរវាងកំពូលកីឡាករទាំងពីរនេះនឹងត្រូវធ្វើឡើងនៅ MGM Grand នៅទីក្រុង Las Vegas ដែលជាកន្លែងអាចផ្ទុកអ្នកទស្សនាបាន ១៦៥០០នាក់។ ទោះជាមានចំនួនច្រើនយ៉ាងនេះក្ដី ប៉ុន្តែការលក់សំបុត្រវិញគឺមានតែចំនួន១០០០ សន្លឹកប៉ុណ្ណោះដែលត្រូវដាក់លក់ជាសាធារណៈ និងមានតម្លៃពី១៥០០ដុល្លារដល់៧៥០០ដុល្លារ។ ក្រៅពីនេះគឺត្រូវបានដាក់លក់ឱ្យក្រុមហ៊ុនផ្ដាច់មុខទាំងអស់។ ចំពោះកៅអីដែលនៅកៀកសង្វៀនវិញ ត្រូវបានគេដាក់លក់លក្ខណៈដេញថ្លៃឡើងពីតម្លៃ ១០០០០ដុល្លារដល់២០០០០ដុល្លារឯណោះ។

សូមរំលឹកបន្តិចថា ការប្រកួតរវាងកំពូលកីឡាករប្រដាល់ប្រចាំទ្វីបអាស៊ី Pacman និងអ្នកប្រដាល់នៅអាមេរិក Floyd នេះមានទំហំទឹកប្រាក់ប្រមាណជាជិត៤០០លានដុល្លារអាមេរិក ហើយចំណែកដែល២នាក់នេះបានគឺអ្នកប្រដាល់មិនដែលចាញ់របស់អាមេរិកបាន៦០% និងអ្នកប្រដាល់សញ្ជាតិហ្វីលីពីនបាន៤០% ៕

ចុចអាន៖ ប្រដាប់ការពារធ្មេញរបស់ Floyd ធ្វើពីមាស និងពេជ្រ

ប្រែសម្រួល៖ មុន្នី រម្យ ប្រភព៖ dailymail