ចង់ដឹងស្រុកខ្មែរឡានណាខ្លះមានបំពាក់ប្រព័ន្ធចូលចតដោយស្វ័យប្រវត្តិ
- 2015-04-24 17:37:51
- ចំនួនមតិ 0 | ចំនួនចែករំលែក 0
ចង់ដឹងស្រុកខ្មែរឡានណាខ្លះមានបំពាក់ប្រព័ន្ធចូលចតដោយស្វ័យប្រវត្តិ
ចន្លោះមិនឃើញ
ក្រុមហ៊ុនផលិតរថយន្តធំៗ តែងតែរិះរកគំនិតច្នៃប្រឌិតថ្មីៗអភិវឌ្ឍទៅលើប្រភេទរថយន្តទំនើបៗរបស់ខ្លួនដើម្បីបំពេញចិត្តអតិថិជន និងនាំមុខលើគូប្រកួតប្រជែង។ ដូចជាការបំពាក់ប្រព័ន្ធចូលចតដោយស្វ័យប្រវត្តិ (Active Park Assist) ក្រុមហ៊ុនផលិតរថយន្តមួយចំនួនបានណែនាំប្រព័ន្ធបច្ចេកវិទ្យាថ្មីនេះនៅលើស៊េរីរថយន្តថ្មីៗ ដែលជួយអ្នកបើកបរកាន់តែមានភាពងាយស្រួលក្នុងការស្វែងរកកន្លែងចូលចត។
នៅទីផ្សារស្រុកខ្មែរ មានរថយន្តណាខ្លះមានបំពាក់ប្រព័ន្ធចតដោយស្វ័យប្រវត្តិសម្រាប់លក់ដល់អតិថិជន?
Ford Explorer
Ford Explorer ដែលនាំចូលមកលក់លើទីផ្សារស្រុកខ្មែរ មានបំពាក់ប្រព័ន្ធចូលចតដោយស្វ័យប្រវត្តិ។ ប្រព័ន្ធនេះជួយសម្រួលអ្នកបើកបរដោយមិនចាំបាច់កាន់ចង្កូតដោយខ្លួនឯង គឺគ្រាន់តែចុចលើប៊ូតុងចូលចតដោយស្វ័យប្រវត្តិ រថយន្តនឹងស្វែងរកកន្លែងចូលចតដោយខ្លួនឯង។
Ford Taurus
ជារថយន្តរបស់ក្រុមហ៊ុន Ford មួយទៀតដែលក្រុមហ៊ុនបានណែនាំប្រព័ន្ធចូលចតដោយស្វ័យប្រវត្តិលក់លើទីផ្សារប្រទេសកម្ពុជា។ រថយន្តនេះបានបំពាក់រ៉ាដានិងកាមេរ៉ាដែលធ្វើឲ្យអ្នកបើកបរមិនចាំបាច់កាន់ដៃចង្កូត ដើម្បីឲ្យរថយន្តនេះអាចស្វែងរកកន្លែងចូលចតដោយស្វ័យប្រវត្តិ។
បើតាមការសាកសួរបណ្ដាក្រុមហ៊ុននាំចូលរថយន្តស្របច្បាប់មួយចំនួនឲ្យដឹងថា ប្រព័ន្ធបច្ចេកវិទ្យាចូលចតដោយស្វ័យប្រវត្តិនេះ ក៏មានបំពាក់នៅលើស៊េរីរថយន្តទំនើបៗដទៃទៀតដូចជា Toyota, Mercedes និង BMW ប៉ុន្តែក្រុមហ៊ុនមិនផ្តោតលក់លើទីផ្សារប្រទេសកម្ពុជានោះទេ។
អត្ថបទ៖ ប៊ុណ្ណារ៉ា