មានដឹងថា បារ៉ាក់ អូបាម៉ា ធ្លាប់រៀននៅឥណ្ឌូណេស៊ីអត់?

2014-10-09 17:48:42
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែនិយាយពី បារ៉ាក់ អូបាម៉ា អ្នកណាៗក៏ស្គាល់ ព្រោះលោកជាប្រធានាធិបតីល្បីឈ្មោះ របស់អាមេរិក ប៉ុន្តែមិត្តអ្នកអានខ្លះ ប្រហែលមិនធ្លាប់ដឹងទេថា លោកធ្លាប់រៀននៅឥណ្ឌូណេស៊ី។ តើលោក អូបាម៉ា រៀននៅឥណ្ឌូណេស៊ីនៅឆ្នាំណា?

ប្រធានាធិបតីទី៤៤របស់ប្រទេសមហាអំណាចអាមេរិករូបនេះ កើតនៅថ្ងៃទី៤ ខែសីហា ឆ្នាំ១៩៦១ នៅមន្ទីរពេទ្យ Kapiʻolani Maternity & Gynecological ក្នុងទីក្រុង onolulu រដ្ឋហាវ៉ៃ។ ម្ដាយឈ្មោះ Stanley Ann Dunham ជនជាតិអាមេរិក និងឪពុកឈ្មោះ Barack Obama, Sr.ជាជនជាតិកេនយ៉ា។

ឪពុកម្ដាយអូបាម៉ា បានលែងលះគ្នាក្នុងឆ្នាំ១៩៦៤ ហើយលោក Barack Obama, Sr ក៏ត្រឡប់ទៅកេនយ៉ាវិញនៅឆ្នាំ១៩៦៤។ ជាអកុសលនៅឆ្នាំ១៩៨២ លោក Barack Obama, Sr. បានស្លាប់ដោយគ្រោះថ្នាក់ចរាចរណ៍។

ចំណែកអ្នកស្រី Dunham ដែលជាម្ដាយរបស់ លោក អូបាម៉ា បានជួបនិស្សិតបញ្ចប់ផ្នែកភូមិសាស្ត្រ ជនជាតិឥណ្ឌូណេស៊ី Lolo Soetoro នៅឆ្នាំ ១៩៦៣ ហើយពួកគេបានរៀបការជាមួយគ្នានៅឆ្នាំ ១៩៦៥។

ក្នុងខែតុលា ឆ្នាំ១៩៦៧ លោកអូបាម៉ា និងម្ដាយ បានផ្លាស់ទីទៅទីក្រុង ហ្សាកាតា ដើម្បីទៅជួបឪពុកចុងរបស់លោក ជាជនជាតិឥណ្ឌូណេស៊ី ឈ្មោះ Lolo Soetoro ។ ចន្លោះខែមករា ឆ្នាំ១៩៦៨ ដល់ ខែធ្នូ ឆ្នាំ ១៩៦៩ ម្ដាយរបស់លោក បានបង្រៀនភាសាអង់គ្លេសនិងជាជំនួយការនាយកនៃវិទ្យាស្ថានមិត្តភាពឥណ្ឌូណេស៊ីអាមេរិកឧបត្ថម្ភដោយរដ្ឋាភិបាលអាមេរិក។ ចំណែក អូបាម៉ា ចូលរៀនសាលាឥណ្ឌូណេស៊ី Santo Fransiskus Asisi ចាប់ទីថ្នាក់ទី១ដល់ទី៣។

ក្នុងឆ្នាំ១៩៧០ លោកបានចូលរៀនថ្នាក់ទី៣និងទី៤ នៅសាលារដ្ឋឥណ្ឌូណេស៊ី Besuki។ ក្នុងអំឡុងពេលនោះ លោកក៏បានចាប់យកយកភាសាឥណ្ឌូណេស៊ី បន្ថែមពីភាសាអង់គ្លេសរបស់លោក។ នៅក្នុងរដូវក្ដៅឆ្នាំដដែល លោកបានវិលត្រឡប់មករដ្ឋហាវ៉ៃវិញ ដើម្បីជួបជីដូនជីតាខាងម្ដាយ។ សូមមើលរូបភាពពីកុមារភាពរបស់ លោក អូបាម៉ា នៅឥណ្ឌូណេស៊ី៕