ទៅច្រៀងការគេម្ដងៗតារាសម្ដែងល្បីឥណ្ឌា Khan ស៊ីថ្លៃប៉ុន្មាន?
- 2015-04-28 21:54:42
- ចំនួនមតិ 0 | ចំនួនចែករំលែក 0
ទៅច្រៀងការគេម្ដងៗតារាសម្ដែងល្បីឥណ្ឌា Khan ស៊ីថ្លៃប៉ុន្មាន?
ចន្លោះមិនឃើញ
តារាសម្ដែង Shah Rukh Khan ជាប់ជាតារាមានប្រាក់ច្រើន លំដាប់ទី២លើលោក និងជាតារាមានជាងគេបំផុតនៅឥណ្ឌា។ ក្រៅពីការងារសម្ដែង ផលិតរឿង ពិធីករទូរទស្សន៍ Khan បានបន្ថែមអាជីពសិល្បៈមួយទៀត គឺទៅច្រៀងរាំក្នុងពិធីមង្គលការ របស់បុគ្គលមានមុខមានមាត់ ដែលមានលុយស្ដុកស្ដម្ភ។ តើអ្នកដឹងថា ពេលទៅសម្ដែងក្នុងមង្គលការគេម្ដងៗ តារារូបនេះស៊ីថ្លៃប៉ុន្មានដុល្លារដែរឬទេ?
គេហទំព័រ Mtvindia ឱ្យដឹងថា អ្នកដែលអញ្ជើញ Khan ទៅរាំឬច្រៀង ក្នុងពិធីមង្គលការ ភាគច្រើនជាឧស្សាហករ អ្នកនយោបាយ និងសេដ្ឋីជាដើម។ ចំណែកសារព័ត៌មាន Mumbai Mirror ចុះផ្សាយថា ពេលទៅសម្ដែងនៅពិធីមង្គលការគេម្តងៗ តារាវ័យ៤៩ឆ្នាំ យកតម្លៃខ្លួន១៥០០០ដុល្លារអាមេរិក។
សារព័ត៌មានខាងលើបន្ថែមយ៉ាងដូច្នេះថា កាលពីឆ្នាំ២០១២ តារាកើតនៅទីក្រុង New Delhi ទទួលបានការអញ្ជើញឱ្យចូលសម្ដែងក្នុងពិធីមង្គលការ ចំនួន២៥០រោង ប៉ុន្តែលោកទៅតែ១០រោងប៉ុណ្ណោះ។ ចំណែកឆ្នាំនេះវិញ ប្រភពមិនបានបញ្ជាក់ ពីចំនួនដែលលោកសម្ដែងក្នុងពិធីមង្គលការឡើយ។
Shah Rukh Khan ជាប់លេខពីរ ជាតារាមានលុយច្រើនលើលោក ពោលគឺតារាកូនបីរូបនេះ មានលុយសរុបប្រហែល ៦០០លានដុល្លារ បន្ទាប់ពីតារាកំប្លែងអាមេរិក Jerry Seinfeld ដែលមានទ្រព្យសម្បត្តិរហូតដល់ទៅ ៨២០លានដុល្លារ៕
តារាសិចស៊ីបង្ហាញភាពផ្អែមល្ហែមជាមួយពស់ថ្លាន់
ប្រែសម្រួល៖ អ៊ុំ សុភក្តិ ប្រភព៖ top10for, Mtvindia