មានរឿងអីបានជា PeyPey Dy រត់ទៅសាងផ្នួស?

2015-04-29 16:58:07
ចំនួនមតិ 0 | ចំនួនចែករំលែក 0

ចន្លោះមិនឃើញ

"តាមពិតមុនដំបូងគ្រាន់តែជាការថត MV ទេ ប៉ុន្តែ អំឡុងពេលបួសសម្ដែងនេះ ខ្ញុំបាននឹកគិតដល់គុណអ្នកម្ដាយរបស់ខ្ញុំ ហើយក៏សម្រេចចិត្តបួសសងគុណគាត់ទៅ ហើយខ្ញុំក៏ចង់បួសឲ្យបានយូរដែរ តែដោយសាររវល់ខ្លាំងពេកទើបឆ្លៀតឱកាសនេះតែម្ដងទៅ"។ PeyPey Dy បានផ្ដល់បទសម្ភាសន៍ប្រាប់ Sabay មុននេះបន្តិច។

ចម្រៀងមួយបទនេះមានចំណង់ជើងថា" ព្រះរស់ឈ្មោះម៉ែ" គឺជាស្នាដៃនិពន្ធ ដឹកនាំសម្ដែង និង សម្ដែងដោយខ្ញុំបាទផ្ទាល់ ហើយនឹងចេញនៅដើមខែក្រោយនេះហើយ។ ទាក់ទិនទៅនឹងចម្រៀងមួយបទនេះម្ចាស់ Page ដែលមានអ្នកចុច Like ច្រើនជាងគេបានបន្ថែមថា មិនបានច្រៀងនៅក្នុងផលិតកម្មណាទេ គ្រាន់តែសម្រាប់បង្ហោះចូល YouTube ប៉ុណ្ណោះ។

តារាសម្ដែង និង តារាឌឺតាម Facebook រូបនេះ បានបញ្ជាក់ថា តាមការពិតគាត់ចេះនិពន្ធតាំងពីឆ្នាំ ២០១៣ ដោយកាលនោះបាននិពន្ធចម្រៀងបានមួយបទដែរគឺបទ "ខ្ញុំផ្ដើមស្រលាញ់ គេផ្ដើមអស់ចិត្ត"។ ងាកមកវិស័យសិល្បៈបច្ចុប្បន្នវិញ PeyPey Dy បានប្រាប់ថា គឺមានភាពមមាញឹកខ្លាំងណាស់ ហើយកំពុងតែត្រៀមថតរឿងថ្មីទៀតផង៕

សូមមើលរូបភាពបួសរបស់ PeyPey Dy ខាងក្រោម៖