វ៉ែនតាទំនើប ជួយជនពិការភ្នែកឱ្យមើលឃើញឡើងវិញ

2015-04-30 16:37:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកវិទ្យាសាស្ត្របារាំងបានផលិតបច្ចេកវិទ្យាមួយដែលអាចឱ្យអ្នកពិការភ្នែកមើលឃើញ។ បច្ចេកវិទ្យានេះប្រើ Chip ដើម្បីជំរុញប្រព័ន្ធប្រសាទវិញ្ញាណឱ្យមើលឃើញរូបភាពជាស្រមោល។

បច្ចេកវិទ្យានេះត្រូវបង្កើតឡើង ដោយក្រុមហ៊ុនបារាំងមួយឈ្មោះ Pixium Vision ហើយនិងគ្រោងឱ្យប្រើសាកល្បងនៅក្នុងឆ្នាំ ២០១៦។ បច្ចេកវិទ្យាបំពាក់លើវ៉ែនតាសម្រាប់ជនពិការភ្នែកនេះ ត្រូវបញ្ចូល Chip ស៊ីលីកូន រួមនឹងអេឡិចត្រូតចំនួន ១៥០ នៅលើស្រទាប់ Retina (ស្រទាប់នៅផ្នែកខាងក្រោយគ្រាប់ភ្នែកសម្រាប់មើលឃើញ)។ នៅពេលអ្នកជំងឺពាក់វ៉ែនតាខ្មៅនេះ កាមេរ៉ាវីដេអូនឹងបញ្ជូនរូបភាពទៅកាន់កុំព្យូទ័រធន់តូច (Pocket Computer)។

ក្រោយមករូបភាពនោះត្រូវបម្លែងទៅជារូបភាព Infrared (រូបភាពជាស្រមោលមានពណ៌ដិត) ហើយក៏បញ្ចាំងវាចូលទៅក្នុងភ្នែក។ បន្ទាប់ពីការវះកាត់រួចរាល់ អ្នកជំងឺត្រូវហ្វឹកហាត់ខួរក្បាលរបស់ពួកគេ ក្នុងការទទួលយករូបភាព មានលក្ខណៈពណ៌ដិតដូចជា ពណ៌ខ្មៅ ស និងប្រផេះ។

គ្រូពេទ្យវះកាត់មួយរូបរបស់ក្រុមហ៊ុន Pixium ឈ្មោះ Yannick Le Mer បាននិយាយថា "យើងពុំបានផ្ដល់ចក្ខុវិញ្ញាណទាំងស្រុងដល់ជនជនពិការនោះទេ តែគ្រាន់តែអាចឱ្យពួកគេមើលឃើញក្នុងរបៀបមួយផ្សេងប៉ុណ្ណោះ"។ លោកវិជ្ជបណ្ឌិតនិយាយទៅកាន់សារព័ត៌មាន Forbe៕

អាន៖ ពិការភ្នែក១០ឆ្នាំ ចុងក្រោយអាចមើលឃើញមុខប្រពន្ធឡើងវិញ ព្រោះឧបករណ៍អេឡិចត្រូនិក

ប្រែសម្រួល៖ ប៉ែត ផាន់និត

ប្រភព៖ dailymail