កង់​ជា​មធ្យោបាយ​ធ្វើ​ដំណើរ​ ដែល​មាន​ប្រជាប្រិយ​ភាព​បំផុត​សម្រាប់​ការ​ជិះ​លំហែ​កាយ​នៅ​តាម​កន្លែង​ជិត​ៗ។ ត្បិត​តែ​មើល​ទៅ​សាមញ្ញ​និង​មិន​មាន​គ្រឿង​ម៉ាស៊ីន​អ្វី​មែន ប៉ុន្តែ​កង់​ប្រភេទ​មួយ​ចំនួន​មាន​តម្លៃ​ថ្លៃ​ជាង​ឡាន​ល្មម​ៗទៅទៀត ព្រោះ​វា​ផលិត​ឡើង​ពី​លោហៈ​ធាតុ​មាន​តម្លៃ​ថ្លៃៗ។

ពេល​នេះ Sabay ​សូម​លើក​យក​កង់​៥​ប្រភេទ​ដែល​មាន​តម្លៃ​ថ្លៃ​ជាង​គេ​លើ​លោក បង្ហាញ​ជូន​មិត្ត​អ្នក​អាន​ទាំង​អស់​គ្នា៖

១. Butterfly Trek Madone មាន​តម្លៃ ៥០០ ០០០​ដុល្លារ​អាមេរិក

Butterfly Trek Madone ​ជា​កង់​ដែល​មាន​តម្លៃ​ថ្លៃ​ជាង​គេ​បំផុត​នៅ​លើ​លោក​។ វា​ត្រូវ​បាន​បង្កើត​ឡើង​ដោយ​លោក Damien Hirst ​ដែល​បាន​ដើរ​ស្វែង​រក​សត្វ​មេ​អំបៅ​ចំនួន​១០០​ប្រភេទ​ផ្សេង​ៗ គ្នា​ ដើម្បី​យក​​ធ្វើ​ជា​គំរូ​​គូ​នៅ​លើ​កង់​មួយ​នេះ ។

២. Trek Yoshitomo Nara Speed Concept  ​មាន​តម្លៃ ២០០ ០០០​ដុល្លារ​អាមេរិក

Trek Yoshitomo Nara Speed Concept ​ជា​កង់​មួយ​ប្រភេទ​ដែល​មាន​តម្លៃ​ខ្ពស់​ណាស់ ហើយ​ការ​លក់​ថ្លៃ​យ៉ាង​នេះ​គឺ​ដោយសារ​តែ​ប្រាក់​ដែល​លក់​បាន​ទាំង​អស់​ យក​ទៅ​ចូល​មូលនិធិ​កុមារ​កំព្រា​ទាំង​អស់។

៣. Aurumania Crystal Edition Gold Bike  មាន​តម្លៃ ១០១ ៤០០​ដុល្លារ​អាមេរិក

Aurumania Crystal Edition Gold Bike មាន​តម្លៃ​ថ្លៃ​គឺ​ដោយសារ​តែ​ រូបរាង​ខាង​ក្រៅ​របស់​វា​ទាំង​អស់​ត្រូវ​បាន​គេ​លាប​ដោយ​មាស​និង​ដាំ​ត្បូង​តូច​ៗ​ទាំង​អស់។

៤. Aston Martin One-77 Cycle មាន​តម្លៃ ៣៧ ៩០៥ ​ដុល្លារ​អាមេរិក

Aston Martin One-77 Cycle គី​គេ​ធ្វើ​វា​ឡើង​ដោយ ​ប្រើ​សំបក​កង់​របស់​ឡាន Formula1 ​និង​ប្រើ​ដែក​ដែល​មាន​លក្ខណៈ​ពិសេស ស្រាល​តែ​រឹងមាំ។

៥. KGS Tier 3 Custom Bike មាន​តម្លៃ​ ៣២ ០០០​ដុល្លារ​អាមេរិក

KGS Tier 3 Custom Bike ជា​កង់​ដែល​គេ​ធ្វើ​ឡើង​សម្រាប់​តែ​អ្នក​មក​កុម្ម៉ង់​តែ​ប៉ុណ្ណោះ។ ក្នុង​មួយ​ឆ្នាំ​កង់​ប្រភេទ​នេះ ផលិត​សម្រាប់​ដាក់​លក់​ជា​សាធារណៈ​តែ​៣​គ្រឿង​ប៉ុណ្ណោះ៕

ចុចអាន៖ស្គាល់​ម៉ូតូ​អគ្គិសនី​ស្អាត​ទាំងនេះ ​ហើយ​នៅ?

​ប្រែ​សម្រួល៖ មុន្នី រម្យ ប្រភព៖ theactivetimes