កាលពី​ល្ងាច​ថ្ងៃ​សុក្រ​ទី១ ឧសភា​គឺជា​​ពិធី​សម្ពោធ​​កំពូល​ខ្សែ​ភាពយន្ត "Avengers: Age of Ultron" ​ឲ្យ​ចាប់​​ផ្ដើម​បញ្ចាំង​នៅ​ប្រទេស​កម្ពុជាស្រប​ពេលកំពុង​​បញ្ចាំង​នៅ​តាម​រោង​ភាពយន្ត​ជា​ច្រើន​នៅ​​សហរដ្ឋអាមេរិក​។

កម្មវិធី នេះ​មាន​ឈ្មោះ​ថា "Avenger Gala Opening Night Red Carpet Event Tonight" បាន​ប្រារព្ធ​ឡើង​នៅ Legend Cinema សាខា​ទួលគោក ​ហើយមាន​ការ​ចូលរួម​អញ្ជើញ​ជា​ភ្ញៀវ​កិត្តិយស​​ពី​សំណាក់​តារា​ល្បី​ៗ​ប្រចាំ​ប្រទេស​កម្ពុជា​ដូចជា​អ្នកនាង សុខ សោម៉ាវត្ដី ​លោក​ ប៉ែន ចំរ៉ុង ​កញ្ញា​ មាន សូនីតា ​លោក ​ជា សុវណ្ណនរាហ៍ និង​កញ្ញា Nikki Nikki ព្រម​ជាមួយ​តារា​ជា​​ច្រើន​រូប​ទៀត។

អ្វី​ដែល​រឹតតែ​ពិសេស​នៅ​ល្ងាច​នោះ គឺ​តារា​បី​គូ​គឺ​​​​អ្នក​នាង​  សុខ សោម៉ាវត្ដី និង​​ ប៉ែន ចំរ៉ុង, ​កញ្ញា​ មាន សូនីតា ​និង​លោក​ ជា សុវណ្ណនរាហ៍ ​​ព្រម​ទាំង​ កញ្ញា Nikki Nikki ​និង​ដៃគូ​ បាន​ជិះ​ឡាន​សេរី​ទំនើប​ឡើង​លើ​កម្រាល​ព្រំ​ពណ៌​ក្រហម​តែម្ដង។ ​​​អ្នក​រៀបចំ​កម្មវិធី​បាន​អនុញ្ញាត​ឲ្យ​អ្នក​គាំទ្រ​អាច​ថតរូប​ជាមួយ​តារា​ក្នុង​ដួងចិត្ត​របស់​ពួកគេ​បាន​ព្រមទាំង​​​​មាន​ការ​សម្ដែង​ចម្រៀង​ពី​​​កញ្ញា ឈិត កញ្ចនា និង ម្ចាស់​បទ " Home For Dinner” បន្ថែម​ពី​លើ​ការ​​ទស្សនា​កំពូល​ភាពយន្ត​ហូលីវូដ​ដ៏​ល្បីល្បាញ​​រឿង "Avengers: Age of Ultron" ថែម​ទៀត​ផង៕

កុំ​ចាំ​យូរ​ទស្សនា​សកម្មភាព​តារា​នា​ថ្ងៃ​នោះ​ទាំងអស់​គ្នា៖

អត្ថបទ៖ទ្រី រ៉ាវី