iPhone 7 លេចរូបរាង បំពាក់កាមេរ៉ា DSLR និងប៊ូតុង Power តូច

2015-05-04 18:57:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាក្យចចាមអារ៉ាមចេះតែកើតមានជាបន្តបន្ទាប់ទាក់ទងនឹងទូរសព្ទ Smartphone ជំនាន់បន្ទាប់របស់ក្រុមហ៊ុន Apple ទាំងឈ្មោះមិនទាន់ច្បាស់ផងថាតើជា iPhone 6S ឬ iPhone 7 នោះទេ។ មានអ្នកឌីស្សាញមួយចំនួនបានបញ្ចេញនូវទស្សនៈ ការឌីស្សាញពីរូបរាង និងលក្ខណៈមួយចំនួនរបស់ Smartphone មួយនេះខុសគ្នា។

អ្នកឌីស្សាញម្នាក់ឈ្មោះ Martin Hajek បានបង្ហាញថា iPhone 7 គឺមានទំហំតូចជាង iPhone 6 ដោយនៅលើ iPhone 7 នឹងកាត់បន្ថយទំហំអេក្រង់ និងប៊ូតុង Home ហើយ speaker គឺនឹងប្ដូរទីតាំងដាក់នៅផ្នែកខាងលើនៃទូរសព្ទវិញ។

ចំពោះផ្នែកនៃកាមេរ៉ាវិញ iPhone 7 គឺប្រហែលជាភ្ជាប់មកជាមួយនឹងកាមេរ៉ាប្រភេទ DSLR ដោយប្រើ lens ចំនួនពីរ។

កាមេរ៉ាមុខនិង speaker នឹងត្រូវបានដាក់បញ្ចូលទៅក្នុងផ្នែកខាងលើទូរសព្ទ។

ចំពោះការឌីស្សាញទីពីររបស់លោកបានបង្ហាញថា ប៊ូតុង Home នឹងត្រូវបានដាក់ភ្ជាប់ទៅនឹងអេក្រង់ទូរសព្ទផ្ទាល់តែម្ដង។

បន្ថែមទៅទៀតនោះ នៅផ្នែកខាងក្រោមគឺស្រដៀងទៅនឹងផ្នែកខាងក្រោមរបស់ iPhone 6 និង iPhone 6 Plus ដែរ ហើយអេក្រង់របស់វានឹងបំពាក់ដោយអេក្រង់ដែលធ្វើពីត្បូងកណ្ដៀង។

តែបើផ្អែកតាមគំនិតនៃការរចនារបស់ iPhone 7 ដោយអ្នកឌីស្សាញ Steel Drake វិញ iPhone ជំនាន់បន្ទាប់នឹងភ្ជាប់កាមេរ៉ាប្រភេទ Compact Camera ខុសពីកាមេរ៉ាដែលមាន Lens លយចេញនៅលើ iPhone 6 និង 6 Plus ហើយប៊ូតុង Power ក៏មានទំហំតូចជាងម៉ូដែលមុនដែរ។ Smartphone ជំនាន់បន្ទាប់នេះនឹងបំពាក់ដោយគ្រឿង Hardware មាន Spec ខ្ពស់ជាង និងមានមុខងារទំនើបជាង ហើយទំនងជាដំណើរការដោយ iOS 9។

បន្ថែមទៀតនោះអ្នកឌីស្សាញរូបនេះក៏បានធ្វើការរចនាពីរូបរាងរបស់ iPhone 8 ថែមទៀតផង។

ចំណែកឯនៅផ្នែកខាងក្រោយ iPhone ជំនាន់បន្ទាប់វិញនឹងមានពណ៌ដូចទៅនឹងពណ៌ដែលធ្លាប់បានដាក់នៅលើ iPhone 5c ដែរ។

ចំពោះការយល់ឃើញរបស់អ្នកឌីស្សាញជនជាតិរុស្ស៊ីលោក Grisha Serov វិញ iPhone ជំនាន់បន្ទាប់នឹងមិនមានប៊ូតុង Home ហើយនឹងមានសញ្ញាពាក្យថា 'Edition' ដូចឈ្មោះ Apple Watch Edition ដែរ។