តារាល្បីៗ៣រូបជាថៅកែសណ្ឋាគារ និង ផ្ទះសំណាក់

2015-05-07 15:51:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីជោគជ័យលើការងារសិល្បៈទៅហើយនោះ គេសង្កេតឃើញថា មានតារាល្បី ៣ រូបនៅប្រទេសកម្ពុជា ហាក់កំពុងទទួលបានជោគជ័យលើមុខជំនួញបើកផ្ទះសំណាក់ និង សណ្ឋាគារផងដែរ ។ តារាទាំងនោះរួមមាន៖

១. អ្នកនាង គឹម លីហ្សា៖ មុនរៀបអាពាហ៍ពិពាហ៍ជាមួយស្វាមីអាណិកជនអូស្ត្រាលីកាលពីឆ្នាំទៅ គឹម លីហ្សា ក្លាយជាថៅកែផ្ទះសំណាក់យីហោ" លីហ្សា" នៅម្ដុំទូលគោករួចទៅហើយក្នុងអំឡុងចុងឆ្នាំ ២០១២។ ផ្ទះសំណាក់មាន ២០ បន្ទប់ នោះ ត្រូវចំណាយសាងសង់អស់ប្រហែល ៥០ម៉ឺនដុល្លារអាមេរិក ក្នុងអំណះអំណាងថា បានចូលហ៊ុនគ្នាជាមួយឪពុករបស់នាង។

២. តារាសម្ដែង ចា រិទ្ធី៖ ក្រោយពីផ្ទះសំណាក់យីហោ "ស្កាយផាក" នៅទល់មុខគិរីរម្យដំណើរការល្អហើយនោះ តារាសម្ដែងរាងនៅតែសង្ហា លោក ចា រិទ្ធី ក៏បានចំណាយលុយខ្ទង់លានដុល្លារបន្ថែមទៀត ដើម្បីបើកសណ្ឋាគារខ្នាតតូចនៅសង្កាត់ភ្នំពេញថ្មីបន្ថែមទៀតក្រោម ស្លាកយីហោ" ស៊្វីត បូទិក ម៉ូតែល "។ សណ្ឋាគារខ្នាតតូច ដែលទទួលបានសិទ្ធរយៈពេល១០០ឆ្នាំលើឈ្មោះនេះ ត្រូវបានសម្ពោធដំណើរការជាផ្លូវការកាលពីខែឧសភា ឆ្នាំ២០១៣កន្លងទៅ។ (ប្រភពអង្គរធំ)។

៣. អ្នកនាង វ៉េត រតនា៖ អតីតតារាសម្ដែងរូបនេះទើបបានមកលេងប្រទេសកម្ពុជានៅដើមឆ្នាំ២០១៥ថ្មីៗនេះ និង បានចូលរួមសម្ដែងឱ្យផលិតកម្មនានាជាច្រើន។ អ្នកនាង វ៉េត រតនា ត្រូវបានគេដឹងថា ជាតារាស្រីម្នាក់មានសំណាង និង មានទ្រព្យច្រើន ព្រោះនាងជាម្ចាស់សណ្ឋាគារធំមួយនៅទីរួមខេត្ត បាត់ដំបងប្របមាត់ស្ទឹងសង្កែ ដែលមានឈ្មោះថា “វិមានសុវណ្ណភូមិ” ។