ក្លិប​យក្ស​​អេស្ប៉ាញ​ Real Madrid ​បាន​រក្សា​តំណែង​ជា​ក្លិប​មាន​ជាង​គេ​បំផុត​លើ​លោក​៣​ឆ្នាំ​ជាប់​គ្នា​ហើយ បន្ទាប់​ពី Forbes ​ចេញ​របាយការណ៍​មក​ថា​រដូវ​កាល​នេះ​នៅ​តែ Real ​ដដែល​ជា​អ្នក​រក​ចំណូល​បាន​ច្រើន​ជាង​គេ ​និង​មាន​ប្រាក់​រហូត​ដល់​ទៅ​២,១៣​ពាន់​លាន​ផោន (ប្រហែល​៣,២៤​ពាន់​លាន​ដុល្លារ​អាមេរិក)។

ហេតុ​ដែល​ធ្វើ​ឱ្យ Real ​នៅ​តែ​ជាប់​ចំណាត់​ថ្នាក់​លេខ​១​នោះ​គឺ​ក្នុង​រដូវ​កាល​ថ្មី​នេះ​ដែរ អធិរាជ​ស​រក​ចំណូល​រហូត​ដល់​ទៅ​៤៨៩​លាន​ផោន (ប្រហែល ៧៤៥​លាន​ដុល្លារ​អាមេរិក) ខណៈ​ដែល​គូ​ប្រជែង​លេខ​២​របស់​គេ Barcelona ​វិញ​រក​ចំណូល​សរុប​បាន​តែ​ ៤៣១ លាន​ផោន (៦៥៧​លាន​ដុល្លារ​អាមេរិក) ​ប៉ុណ្ណោះ។

អ្វី​ដែល​​គួរ​ឲ្យ​ចាប់​អារម្មណ៍​​ទៀត​នោះ ចំណាត់​ថ្នាក់​លេខ​៣​គឺ​បាន​ទៅ​លើ​ក្រុម​បិសាច​ក្រហម Manchester United មាន​ទឹក​ប្រាក់​សរុប ២,០៣​ពាន់​លាន​ផោន (ប្រហែល​៣,០៩​ពាន់​លាន​ដុល្លារ​អាមេរិក) ​ព្រោះ​ត្បិត​តែ​មិន​បាន​លេង Champions League ​មែន ប៉ុន្តែ​ក្រុម​នេះ​បាន​ចុះ​កិច្ច​ព្រមព្រៀង​ជាមួយ Adidas ​ក្នុង​រយៈ​ពេល​១០​ឆ្នាំ ​និង​មាន​ទឹក​ប្រាក់​រហូត​ដល់​ទៅ​៧២០​លាន​ផោន​ឯ​ណោះ។

ខាង​ក្រោម​នេះ​ជា​បញ្ជី​ឈ្មោះ​ក្លិប​ដែល​មាន​ជាង​គេ​បំផុត​ទាំង​២០​ដែល Forbes ​បាន​ចាត់​ថ្នាក់៖

ចុចអាន៖ Ronaldo ​បរិច្ចាគ​ប្រាក់​ជិត​៨​លាន​ដុល្លារ​ដល់​ប្រជាជន​រងគ្រោះ​ដោយ​រញ្ជួយ​ដី​នៅ​នេប៉ាល់

​ប្រែ​សម្រួល៖ មុន្នី រម្យ ប្រភព៖ dailymail