«ទាំងអស់គ្នាដើម្បីកម្ពុជា»បណ្ដុះទឹកចិត្តយុវជនខ្មែរ ទទួលបានការគាំទ្រច្រើន
- 2015-05-07 18:56:48
- ចំនួនមតិ 0 | ចំនួនចែករំលែក 0
«ទាំងអស់គ្នាដើម្បីកម្ពុជា»បណ្ដុះទឹកចិត្តយុវជនខ្មែរ ទទួលបានការគាំទ្រច្រើន
ចន្លោះមិនឃើញ
វីដេអូចម្រៀងបង្កើតថ្មី ដែលជាស្នាដៃរបស់យុវជនខ្មែរមួយក្រុមដែលមានចំណងជើងថា ទាំងអស់គ្នាដើម្បីកម្ពុជា បង្កប់អត្ថន័យអប់រំត្រូវបានបង្ហោះនៅលើទំព័រផ្លូវការរបស់សមាគមអតីតនិស្សិតអាហារូបករណ៍ហ៊្វូលប្រាយ និងអាហារូបករណ៍សហរដ្ឋអាមេរិក ប្រចាំប្រទេសកម្ពុជា ទទួលបានការគាំទ្រនិងចែករំលែកតៗគ្នាយ៉ាងច្រើនពីសំណាក់មិត្តយុវវ័យ។
កញ្ញា សុខសុភ័ក្រ្ដបញ្ញា ជានិស្សិតឆ្នាំទីមួយផ្នែកប្រព័ន្ធផ្សព្វផ្សាយ និងទំនាក់ទំនង នៃសាកលវិទ្យាល័យភូមិន្ទភ្នំពេញ និងជាតំណាងផ្នែកកម្សាន្តរបស់សមាគម FUSAAC ប្រាប់ Sabay ឱ្យដឹងថានេះជាវីដេអូបទចម្រៀងទីមួយ ដែលត្រូវបានបង្កើតឡើងសម្រាប់ព្រឹត្តិការណ៍ពិព័រណ៍សិក្សានិងការងារ២០១៥ ហើយជាការនិពន្ធរបស់លោក ឈុត សែនប្រពៃនិងលោក កែវ ពន្លឺ ហើយអត្ថន័យគឺចង់ដាស់តឿនដល់យុវជនខ្មែរទាំងអស់កុំឱ្យចុះចាញ់នឹងការងារ និងត្រូវធ្វើឱ្យសកលលោកស្គាល់ថាខ្មែរជាអ្នកណា។
បញ្ញាក៏បានប្រាប់ឱ្យដឹងទៀតថាការថតវីដេអូនេះគឺប្រើពេលតែមួយថ្ងៃកន្លះប៉ុណ្ណោះ។ ចំណែកឯតួសម្ដែងក្នុងនោះមានអ្នកនិពន្ធចម្រៀងនេះផ្ទាល់និងយុវជនស្ម័គ្រចិត្តរបស់សមាគម FUSAAC។ ឆ្លៀតក្នុងការធ្វើបទសម្ភាសន៍នេះ បញ្ញាក៏បានថ្លែងថា «ខ្ញុំសុំឱ្យយុវជនយើង ខិតខំតស៊ូឡើងពេលជួបឧបសគ្គសូមកុំបោះបង់ គឺដើម្បីខ្លួនឯង និងដើមប្រទេសជាតិផងដែរ»៕
ចង់ដឹងវីដេអូចម្រៀង ទាំងអស់គ្នាដើម្បីកម្ពុជា បង្កប់អត្ថន័យអប់រំយ៉ាងណានោះសូមទស្សនាវីដេអូខាងក្រោមទាំងអស់គ្នា៖
https://www.youtube.com/watch?v=RHzQXQEIl-c
អានអត្ថបទ៖ សិស្សថ្នាក់ទី១១ សោះបែកគំនិតផលិតវីដេអូអប់រំ!
អានអត្ថបទ៖ និស្សិតជាប់អាហារូបករណ៍រៀននៅថៃចែករំលែកវិធីសាស្ត្រប្រឡងជាប់
អត្ថបទ៖គង់ ច័ន្ទវ៉ាន់ណេង