ទស្សនាវដ្ដីមួយបោះពុម្ពដោយប្រើប្រាស់ឈាមអ្នកផ្ទុកវីរុស HIV
- 2015-05-07 20:41:45
- ចំនួនមតិ 0 | ចំនួនចែករំលែក 0
ទស្សនាវដ្ដីមួយបោះពុម្ពដោយប្រើប្រាស់ឈាមអ្នកផ្ទុកវីរុស HIV
ចន្លោះមិនឃើញ
ដើម្បីទាក់ទាញចំណាប់អារម្មណ៍ ទស្សនាវដ្ដីអូទ្រីសមួយបានបោះពុម្ពដោយប្រើទឹកថ្នាំដែលមានលាយឈាមផ្ទុកវីរុស HIV។
លោក Julian Wiehl សហចាងហ្វាងការផ្សាយនៃទស្សនាវដ្ដី The Vangardist បានឲ្យដឹងថាគំនិតនេះគឺធ្វើឡើងសម្រាប់យុវវ័យប្រុសៗ ដើម្បីឲ្យពួកគេផ្ដោតការយកចិត្តទុកដាក់ និងស្វែងយល់ពីវីរុសដ៏គ្រោះថ្នាក់នេះ។
បើគិតពីបញ្ហាសុខភាព និងសុវត្ថិភាព ការចាប់កាន់ទស្សនាវដ្ដីនេះ គឺមិនមានជាបញ្ហាទេ ព្រោះដូចដែលយើងបានដឹងជាយូរមកហើយថា វីរុស HIV ងាប់យ៉ាងលឿននៅពេលវាស្ថិតនៅខាងក្រៅរាងកាយមនុស្ស។
លោក Wiehl បានបន្ថែម៖ "ដើម្បីឱ្យប្រាកដ ខាងទស្សនាវដ្ដី Vangardist បានកម្ដៅរំងាប់ឈាមមានផ្ទុកវីរុស HIV ដែលទទួលបានពីម្ចាស់ជំនួយបីនាក់ គឺម្ដាយអាយុ៤៧ឆ្នាំម្នាក់ បុរសភេទទីបីអាយុ២៦ឆ្នាំម្នាក់ និងបុរសអាយុ៣២ឆ្នាំម្នាក់ មុនពេលដែលលាយវាជាមួយទឹកថ្នាំពណ៌ក្រហម និងបានប្រើដើម្បីបោះពុម្ពទស្សនាវដ្ដីនេះចំនួន៣ពាន់ច្បាប់"។
យ៉ាងណាក្ដី សម្រាប់ទស្សនាវដ្ដីនេះនៅតែជាប្រធានបទក្ដៅ បើទោះបីជាមានការពិនិត្យវេជ្ជសាស្ត្រក៏ដោយ។ ក្រៅពីមានការជំទាស់ ទស្សនាវដ្ដីនេះក៏ទទួលការគាំទ្រពីសកម្មជនមេរោគអេដស៍ ចាប់តាំងពីគេដាក់ផ្សព្វផ្សាយផងដែរ៕
ចុចអាន៖ សុនខញីមួយក្បាលក្លាយជាអ្នកជួយសង្គ្រោះទារិកាពីសំរាម
ប្រែសម្រួល៖ មាន រតនា
ប្រភព៖ washingtonpost