បានទៅ Man Utd ភ្លាម Depay ទិញ Mercedes ឱ្យម្ដាយមួយគ្រឿង

2015-05-08 15:35:34
ចំនួនមតិ 0 | ចំនួនចែករំលែក 0

ចន្លោះមិនឃើញ

Memphis Depay ខ្សែប្រយុទ្ធចំណូលថ្មីដែលក្រុម Manchester United ទើបតែប្រកាសទិញបានកាលពីម្សិលមិញនេះ បានទិញឡានថ្មីម៉ាក Mercedes មួយគ្រឿងទុកជូនម្ដាយធ្វើដំណើរ នៅពេលដែលរូបគេមិននៅក្បែរ។

កាលពីម្សិលមិញនេះ ក្រុមបិសាចក្រហម Manchester United បានប្រកាសថាបានព្រមព្រៀងទិញខ្សែប្រយុទ្ធ Depay ពីក្រុម PSV ហើយ ក្នុងតម្លៃ២៥លានផោន (៣៨,៥លានដុល្លារ) ហើយកីឡាករវ័យ២១ឆ្នាំរូបនេះ នឹងផ្លាស់មក Old Trafford ពេលចប់រដូវកាលនេះ ឬពេលទីផ្សារដោះដូរកីឡាករបើកនៅខែមិថុនាខាងមុខ។

ដោយសារតែជិតដល់ពេលចាកចេញពីម្ដាយទៅលេងនៅអង់គ្លេសនោះ កីឡាករជម្រើសជាតិហុល្លង់រូបនេះបានទិញឡានមួយគ្រឿងឱ្យអ្នកម្ដាយជាទីស្រលាញ់របស់ខ្លួនសម្រាប់ធ្វើដំណើររួចជាស្រេចហើយ។ "ម៉ែបានបង្រៀនខ្ញុំជិះកង់តាំងពីតូច ហើយគាត់ក៏មិនដែលឱ្យនរណាធ្វើបាបខ្ញុំដែរ។ ខ្ញុំស្រលាញ់ម៉ែខ្លាំងណាស់ ហើយខ្ញុំសង្ឃឹមថាខ្ញុំនឹងអាចធ្វើឱ្យគាត់មានមោទនភាពបាន”។ Depay និយាយ។

ខ្សែប្រយុទ្ធដែលជាប់ជម្រើសជាតិហុល្លង់តាំងពី U15 មកនេះ ចូលលេងជាមួយ PSV តាំងពីឆ្នាំ២០១១ ហើយបានបង្ហាញខ្លួន១០៤ប្រកួត និងរកគ្រាប់បាល់បាន៤២គ្រាប់។ Depay នឹងលេងនៅ Old Trafford រហូតដល់ទៅ២០១៩ ឯណោះទើបអស់កុងត្រា ៕

ចុចអាន៖ Chelsea នឹងមកប្រកួតនៅថៃ ចុងខែនេះ

ចុចមើលវីដេអូបង្ហាញពីជំនាញដ៏អស្ចារ្យរបស់ Depay

ប្រែសម្រួល៖ មុន្នី រម្យ ប្រភព៖ mirror