ក្ដារចុច Bluetooth សម្រាប់ iPhone, iPad សាកថ្មម្ដងប្រើបាន៣ខែ

2015-05-08 20:42:02
ចំនួនមតិ 0 | ចំនួនចែករំលែក 0

ចន្លោះមិនឃើញ

Logitech Keys-To-Go គឺជាប្រភេទក្ដារចុចចល័តមួយប្រើប្រព័ន្ធ Bluetooth ដែលអាចប្រើបានជាមួយនឹង iPhone, iPad និង Apple TV ។ Keys-To-Go គឺត្រូវបានរចនាឡើងមានកម្រាស់ស្ដើង ងាយស្រួលកាន់ និងអាចយកតាមខ្លួនបានគ្រប់ទីកន្លែង ហើយក៏មានទំហំធំងាយស្រួលក្នុងការវាយផងដែរ។ បន្ថែមទៅទៀតនោះនៅផ្នែកខាងក្រៅរបស់វាត្រូវបានស្រោបដោយក្រណាត់ស្បែកស្វិត ដែលអាចការពារពីការប៉ះទង្គិច និងការពារការជ្រាបសារធាតុរាវជាដើម។ ជាពិសេសទៅទៀតនោះ ពេលដំណើរការវាក៏មានសំឡេងស្ងាត់ និងមានថាមពលថ្មអាចប្រើប្រាស់ជាម្យមបានដល់ទៅ៣ខែឯណោះពេលសាកម្ដង។

លក្ខណៈសម្បត្តិរបស់ Logitech Keys-To-Go៖

- កម្ពស់៖ ១៣៧ម.ម - ទទឹង៖ ២៤២ម.ម - កម្រាស់៖ ៦ម.ម

ទម្ងន់៖ ១៨០ ក្រាម
មេកានិក Keyboard ស្រោបដោយក្រណាត់ស្បែក
ថ្មសាកម្ដងប្រើប្រាស់៣ខែជាមួយនឹង ភ្លើងសញ្ញាបង្ហាញ
បច្ចេកវិទ្យា Bluetooth Wireless
iOS keyboard shortcuts - រន្ធ micro USB
និងមានបីពណ៌សម្រាប់ជ្រើសរើសដូចជា ខ្មៅ ក្រហម និង បៃតង ចំណែកឯតម្លៃវិញគឺប្រហែលជា ៦៩,៩៥ ដុល្លារអាមេរិក៕