ផ្អើលពេញឆាក ពេលស្រីស្អាតម្នាក់នេះ ច្រៀងដូច Ailee

2015-05-09 17:58:28
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សមិនច្រើនទេ ដែលមានសំឡេងពីរោះ និងច្រៀងដូចតារាចម្រៀង កូរ៉េខាងត្បូង Ailee ប៉ុន្តែ Kim Min Sun ធ្វើបានល្អ ហួសពីការរំពឹងទុក។

Min Sun ជាតារាបង្ហាញម៉ូដ និងជាតារាមួយរូប ស្ថិតក្នុងក្រុមចម្រៀងសាមញ្ញ Yellow Chip។ ក្នុងកម្មវិធី I Can See Your Voice ភាគទី១១ របស់ទូរទស្សន៍ Mnet តារាបង្ហាញម៉ូដរូបនេះ ត្រូវបាន Ailee ជ្រើសមកសម្ដែងលើឆាកជាមួយនាង។

កម្មវិធីខាងលើ ជាកម្មវិធី Show ថ្មីមួយ ដែលអញ្ជើញមនុស្សចម្រុះគ្នា ទាំងអ្នកចេះច្រៀង និងអ្នកមិនចេះ។ បន្ទាប់មកតារាចម្រៀងអាជីព នឹងជ្រើសរើសមនុស្សពីរប្រភេទនេះ តាមរយៈតម្រុយមួយចំនួន ដែលបានឱ្យ និងការមើលលើទឹកមុខរបស់ពួកគេ។ អ្នកមិនមែនជាតារាចម្រៀង តែត្រូវបានជ្រើសរើស នឹងមានឱកាសឈ្នះទឹកប្រាក់ ១០លានវុន ប្រហែល៩,១៦៣ដុល្លារ ខណៈអ្នកជាតារាចម្រៀង នឹងឈ្នះឱកាសចេញបទចម្រៀង ជាមួយតារាអាជីពល្បីៗ។

ទោះយ៉ាងណាគ្មានអ្នកណា នឹងស្មានទេថា Min Sun អាចច្រៀងបានល្អ និងធ្វើឱ្យគេគ្រប់គ្នាភ្ញាក់ផ្អើល សូម្បីតែ Ailee ក៏ស្ងើចសរសើរដែរ។

តារាចាយសម្រស់ទាំងពីរដួង បានច្រៀងរួមគ្នាលើឆាក ក្នុងបទមានចំណងជើងថា “Singing Got Better”។ ចង់ដឹងច្បាស់សូមមើលវីដេអូខាងក្រោម៖ https://www.youtube.com/watch?v=XNhTZsMSvOU

Teaser ចម្រៀង Jang Hyunseung ធ្វើឱ្យអ្នកគាំទ្រព្រឺសម្បុរគីង្គក់

ប្រែសម្រួល៖ អ៊ុំ សុភក្តិ ប្រភព៖ Koreaboo