ព្រីម លីហ្សា បង្ហើបពីតម្លៃសម្លៀកបំពាក់មួយឈុត ក្បែរម៉ឺនដុល្លារ

2015-05-11 19:06:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រីម លីហ្សា តារាសម្ដែងសិចស៊ី និង ល្បីល្បាញនៅក្នុងសង្គមសិល្បៈថា ជាអ្នកលេងសម្ភារៈនិយមដាច់គេ ក្នុងចំណោមតារាស្រីល្បីៗ ក្នុងព្រះរាជាណាចក្រកម្ពុជា បានបង្ហើបប្រាប់ Sabay ថា សំលៀកបំពាក់ដែលមានម៉ាកល្បីៗ គឺមួយឈុតអាចមានដល់ទៅជិត ១ ម៉ឺនដុល្លារឯណោះ។ ទន្ទឹមនឹងនេះ លីហ្សា និយាយថា នាងកំពុងរវល់ខ្លាំងនៅក្នុងការដើរម៉ូដនៅក្រៅប្រទេស។

កញ្ញា លីហ្សា បានប្រាប់ Sabay ពីតម្លៃសម្លៀកបំពាក់ និង ភាពមមាញឹកផ្នែកដើរម៉ូដក្រៅស្រុកនេះថា "គឺចាប់តាំងពីដើមឆ្នាំ ខ្ញុំបានទៅកម្មវិធីនៅសិង្ហបុរីដែលមានឈ្មោះថា Singapore Designer Fashion Show និង ពេលត្រលប់មកវិញ ខ្ញុំបានទៅថតឲ្យទស្សនាវដ្ដី Elle របស់វៀតណាមទៀត ហើយនៅសប្ដាហ៍ក្រោយ ខ្ញុំត្រូវចេញទៅបារាំងដើម្បីទៅចូលរួមកម្មវិធី Fashion week ហើយដល់ខែ មិថុនា, កក្កដា នឹងត្រូវទៅពីរដងទៀត។ ចំពោះតម្លៃខោអាវបួនឈុត ដែលកញ្ញាសាច់សខ្ចីរូបនេះ ធ្លាប់បានដើរបង្ហាញម៉ូដ បានឲ្យដឹងថា៖

ឈុតទីមួយមានតម្លៃសរុប ៧០០០$ ស្បែកជើង ១១០០$ កាបូប ៤៥០០$

ឈុតទីពីរ មានតម្លៃសរុបជាង ៧០០០$ ស្បែកជើង ១២០០ $

ឈុតទីបី មានតម្លៃសរុបជាង ៧០០០$ ស្បែកជើង ៣៥០០$

ឈុតទីបួនមានតម្លៃសរុប ៨៨០០$ ស្បែកជើង ១៤០០$ កាបូប ៣៥០០$

តារាកូនកាត់ រូបនេះ បានបញ្ជាក់ថា ឈុតទាំងនេះមិនមានជារបស់ Copy ទេ វាគឺជា Brand ល្បីៗដែលពេញនិយមនៅប៉ែកអឺរ៉ុប ដូចជា ម៉ាក ‎Dior‬ ‎Versace‬ LV អីជាដើម។ រីឯសកម្មភាពក្នុងស្រុកវិញអតីតម្ចាស់ពានអាណាចក្រតារាប្រាប់ថា ទើបតែថតខារ៉ាអូខេឲ្យផលិតកម្មសាន់ដេនៅសប្ដាហ៍មុនបានមួយបទនឹងគេដែរ និង ចង់បន្តឲ្យបានច្រើនដែរ ប៉ុន្តែ រវល់ទៅក្រៅខ្លាំងពេកទើបឆ្លៀតក្នុងស្រុកមិនបានច្រើន៕

ចង់ដឹងប្រវត្តិលម្អិតព្រីមលីហ្សាចុចត្រង់នេះ

អត្ថបទ៖ ទ្រី រ៉ាវី