Barnett ថា Bale នឹងល្អជាង Ronaldo បើមិត្តរួមក្រុមបោះបាល់ឱ្យលេងច្រើន

2015-05-11 20:54:09
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jonathan Barnett ត្រូវជាភ្នាក់ងាររបស់កីឡាករ Gareth Bale បាននិយាយថាខ្សែបម្រើសា្លបរូបនេះនឹងអាចលេងល្អជាង Cristiano Ronaldo ទៅទៀត ប្រសិនបើមិត្តរួមក្រុមទាំងអស់បោះបាល់ឱ្យគេលេងច្រើនជាងនេះ។

១៨ប្រកួតចុងក្រោយនេះ Bale រកគ្រាប់បាល់បានតែ២គ្រាប់គត់ក្នុងនាមជាខ្សែប្រយុទ្ធស្លាប និងជាកីឡាករថ្លៃជាងគេនៅក្លិប Real Madrid។ ដោយហេតុនេះហើយ ទើបធ្វើឱ្យមានអ្នកគាំទ្រជាច្រើនចង់ឱ្យក្លិបលក់កីឡាករជម្រើសជាតិវែលរូបនេះចេញនៅរដូវកាលក្រោយ។

យ៉ាងណាក្ដី លោក Barnett បែរជាគិតថាកីឡាករវ័យ២៥ឆ្នាំរូបនេះនៅតែមានទម្រង់លេងល្អដដែល ហើយប្រសិនបើ Bale បានបាល់លេងច្រើនជាងនេះប្រាកដជាលេងល្អជាង Ronaldo ទៅទៀត។ "Real គួរតែធ្វើការជាមួយ Bale ច្រើនជាងនេះ និងបោះបាល់ឱ្យគាត់លេងផង។ ឱ្យគាត់មានបាល់លេងច្រើនជាងនេះ នោះអ្នកនឹងឃើញថាគាត់មានសមត្ថភាពប៉ុណ្ណា”។ Barnett បញ្ជាក់បន្ថែម។

នៅជិតចប់រដូវកាលនេះ រឿងរ៉ាវរបស់អតីតកីឡាករ Spurs ខាងលើ មានកាន់តែច្រើនឡើងហើយបន្ទាប់ពីមិនអាចជួយក្រុមឱ្យឈ្នះ Juventus និង Valencia បាន។ ណាមួយដោយមានឈ្មោះជាកីឡាករថ្លៃជាងគេផង តែបែរជាមិនអាចរកគ្រាប់បាល់បានច្រើនទើបធ្វើឱ្យអ្នកគាំទ្រអធិរាជសមួយចំនួនគិតថាក្លិបគួរតែលក់ចេញ។ ទោះជាយ៉ាងនេះក្ដី លោក Carlo Ancelotti ក៏ដូចជាម្ចាស់ក្លិបផ្ទាល់ក៏ធ្លាប់និយាយច្រើនដងហើយដែរថា Gareth Bale មិនមែនសម្រាប់លក់ទេ៕

ចុចអាន៖Depay ចូលចិត្តប្រដាល់ដូច Rooney ដែរ មានសង្វៀននៅក្នុងផ្ទះថែមទៀត

ប្រែសម្រួល៖ មុន្នី រម្យ ប្រភព៖goal