កុំថាឡើយថង់ទឹកប្រម៉ាត់ សូម្បីសំបកទំពាំងបាយជូរ ក៏ Robot នេះវះកាត់បានដែរ

2015-05-12 17:40:01
ចំនួនមតិ 0 | ចំនួនចែករំលែក 0

ចន្លោះមិនឃើញ

Robot តូចមួយត្រូវបានប្រើប្រាស់ក្នុងផ្នែកវេជ្ជសាស្ត្រ ដើម្បីជួយវះកាត់មុខរបួសនៅកន្លែងតូចចង្អៀតក្នុងខ្លួនមនុស្ស សូម្បីតែថង់ទឹកប្រម៉ាត់ ដែលជាកន្លែងដែលវេជ្ជបណ្ឌិតពិបាកក្នុងការវះកាត់។

Robot ដ៏តូចនេះត្រូវបានបង្កើតឡើងដោយក្រុមហ៊ុនផលិតមនុស្សយន្តវះកាត់ Da Vinci Surgical System របស់អាមេរិក ដើម្បីប្រើជាឧបករណ៍ជំនួយក្នុងការវះកាត់មុខរបួសស្ថិតនៅកន្លែងតូចចង្អៀតក្នុងខ្លួនមនុស្សដូចជា ក្នុងស្បូន ឬក៏ថង់ទឹកប្រម៉ាត់ជាដើម។ ជាក់ស្តែង វីដេអូខាងក្រោមបានបង្ហាញពីសកម្មភាព Robot បញ្ជាដោយវេជ្ជបណ្ឌិត ក្នុងការធ្វើតែស្តវះកាត់ និងដេរសំបកទំពាំងបាយជូរដែលមានកម្រាស់ស្តើងមែនទែន។

សកម្មភាពធ្វើតែស្តវះកាត់សំបកទំពាំងបាយជូរដ៏តូច និងស្តើងនេះ ធ្វើឡើងនៅក្នុងដបដ៏តូចមួយ ហើយទីបំផុតវាក៏អាចវះកាត់និងដេរកន្លែងវះកាត់បានយ៉ាងល្អ។

វត្ថុបំណងនៃការប្រើឧបករណ៍នេះ គឺដើម្បីចៀសវាងការធ្វើឱ្យមានស្នាមរបួសកាន់តែធំ ដែលអាចបង្កឱ្យមានបញ្ហាណាមួយកើតឡើងនៅពេលក្រោយ និងជាជំនួយសំខាន់សម្រាប់ការវះកាត់មុខរបួសនៅកន្លែងតូចចង្អៀតក្នុងខ្លួនមនុស្សផងដែរ។ Robot ជំនាញវះកាត់របស់ក្រុមហ៊ុនអាមេរិកនេះ មានតម្លៃដល់ទៅ ២លានដុល្លារ៕

វីដេអូ៖