ទូរសព្ទ Tonino Lamborghini TL700 ស្រោបមាសតម្លៃ២៧៥០ដុល្លារ

2015-05-15 22:47:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំពោះទូរសព្ទថ្លៃកប់ពពក ប្រិយមិត្តប្រហែលជាធ្លាប់ឃើញ ចុះទូរសព្ទម៉ាក Tonino Lamborghini TL700 ស្រោបមាសតម្លៃ២៧៥០ដុល្លារនេះវិញ ធ្លាប់ឃើញដែរឬទេ? ទូរសព្ទនេះមានកម្រាស់ក្រាស់ ធ្ងន់ និងផ្ដល់អត្ថប្រយោជន៍ច្រើន។ បើតាមការឱ្យដឹងពីប្រភព ដែលមិនបញ្ចេញឈ្មោះមួយរូប។

Tonino Lamborghini TL700 ភ្ជាប់មកជាមួយនូវអេក្រង់ Sapphire Crystal ច្រើនមានលើនាឡិកាទំនើបៗ ទំហំ ៣.៧អ៊ីញ ហើយគ្រប់លោហៈលើតួគ្រោង ស្រោបទៅដោយមាស ចំណែកគម្របខាងខ្នង ស្រោបដោយបំណែកស្បែកក្រពើ។ នៅខាងខ្នងទូរសព្ទទៀតសោត រំលេចដោយរូបភាពបង្ហាញព័ត៌មានច្រើន រួមទាំងហត្ថលេខា Tonino Lamborghini, Limited Edition និងលេខសម្គាល់ជាដើម។

មិនតែប៉ុណ្ណោះការរចនារបស់វា ពោរពេញដោយភាពទាក់ទាញ និងផ្នែកខ្លះបង្កប់ទៅដោយឡូហ្គោ យ៉ាងស្រស់ស្អាត។ បើនិយាយពីប្រព័ន្ធប្រតិបត្តិការ វាដើរដោយ Android 2.3,CPU ប្រភេទ Qualcomm និងកាមេរ៉ាក្រោយទំហំ 5 MP ខណៈខាងមុខជាប្រភេទកាមេរ៉ា VGA។ ចំណែកអង្គចងចាំ មានទំហំ 4GB និងមានថ្ម 1,400mAh រីឯតម្លៃគឺ ២៧៥០ដុល្លារក្នុងមួយគ្រឿង៕