Pacquiao ចាញ់មែនពិត តែអ្នកគាំទ្រនៅហ្វីលីពីនចាត់ទុកជាវីរបុរស

2015-05-16 23:36:09
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះបីកីឡាករសញ្ជាតិហ្វីលីពីន Manny Pacquiao បានរងបរាជ័យក្រោមដៃកីឡាករ Floyd Mayweather ក្នុងប្រកួតលើទឹកអាមេរិកក្ដី ក៏ប្រជាជនបានចាត់ទុករូបលោកជាវីរបុរស និងនាំគ្នាទៅទទួលយ៉ាងច្រើនកុះករពេលធ្វើមាតុភូមិដល់ទឹកដីកំណើតវិញនៅក្រុង General Santos កាលពីថ្ងៃសុក្រម្សិលមិញ។

កីឡាករចិត្តសប្បុរស PacMan ទើបធ្វើដំណើរដល់ទឹកដីកំណើតវិញ កាលពីថ្ងៃសុក្រ ម្សិលមិញ បន្ទាប់ពីចាញ់កីឡាករ Floyd Mayweather នៅទីក្រុង Las Vegas សហរដ្ឋអាមេរិកកាលពីថ្ងៃទី២ ដើមខែឧសភាកន្លងទៅ។ លទ្ធផលបរាជ័យរបស់កំពូលកីឡាករសញ្ជាតិហ្វីលីពីនរូបនេះ បានធ្វើឲ្យប្រជាជនខកចិត្តយ៉ាងខ្លាំងទៅលើការសម្រេចរបស់ចៅក្រម។

ទោះយ៉ាងណា កម្លាំងចិត្តគាំទ្រ Pacquiao នៅក្នុងប្រទេសហ្វីលីពីន មិនបានបាត់បង់ទេ ព្រមទាំងមានសន្ទុះកើនឡើងយ៉ាងខ្លាំង ដោយសារមើលឃើញពីទឹកចិត្តសប្បុរស។ ជាក់ស្ដែង Pacquiao បានបរិច្ចាគទឹកប្រាក់ពាក់កណ្ដាលដែលបានមកពីការប្រកួត ស្មើនឹង ៦០លានដុល្លារដល់អង្គការមនុស្សធម៌ជួយប្រជាជនរងគ្រោះ។

បង្ហាញវត្តមានទៅទទួល កីឡាករ Pacquiao រួមមានមន្ត្រីអ្នកមុខអ្នកការ និងប្រជាជនយ៉ាងច្រើនកុះករ។ ក្រៅពីនេះ នៅមានពិធីដង្ហែតាមដងផ្លូវ ក្រោមការអបអរសាទរពីមនុស្សគ្រប់វ័យ មានទាំងកូនក្មេង និងមនុស្សចាស់៕

ទស្សនាទិដ្ឋភាពស្វាគមន៍កីឡាករ Pacquiao ពេលធ្វើមាតុភូមិនិវត្តន៍៖ 