Pacquiao បរិច្ចាគ៦០លានដុល្លារដល់អង្គការមនុស្សធម៌ជួយប្រជាជនរងគ្រោះ

2015-05-05 15:36:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ Manny Pacquiao បានរៀបចំកញ្ចប់ទឹកប្រាក់៦០លានដុល្លារអាមេរិកដើម្បីបរិច្ចាគដល់អង្គការមនុស្សធម៌ជួយដល់ប្រជាជនរងគ្រោះនៅជុំវិញពិភពលោក បន្ទាប់ពីរូបលោកទទួលបានប្រាក់១២០លានដុល្លារពីការឡើងប្រកួតជាមួយ Floyd Mayweather ។

ការបរិច្ចាគប្រាក់ដ៏ច្រើនសន្ធឹកសន្ធាប់នេះដែរ គឺបានដំណឹងមកពីលោក Bob Arum ដែលជាប្រធាន Promoter របស់ Pacquiao ក្នុងការប្រកួតជាមួយ Floyd ។ លោក Arum បានឱ្យដឹងពីរឿងនេះថា៖ "ខ្ញុំប្រាកដក្នុងចិត្តថាប្រាក់ដែល Manny បានពីប្រកួតនឹងយកទៅបរិច្ចាគដល់អង្គការមនុស្សធម៌ពាក់កណ្ដាល។ ព្រោះនេះជាចរិតរបស់ Manny”។

កំពូលកីឡាករប្រដាល់សញ្ជាតិហ្វីលីពីនខាងលើនេះ ភាគច្រើននៃការប្រកួតរបស់គេប្រសិនបើអាចរកប្រាក់បានច្រើនគឺតែងតែយកទៅបរិច្ចាគជូនដល់អង្គការមនុស្សធម៌ជានិច្ច។ ទង្វើនេះហើយបានជាមានអ្នកគាំទ្ររូបលោកច្រើនខ្លាំងណាស់ទាំងក្នុងប្រទេសហ្វីលីពីនផ្ទាល់ ក៏ដូចទូទាំងពិភពលោក។ មួយវិញទៀត បុរសវ័យ៣៦ឆ្នាំរូបនេះ ក៏ធ្លាប់បង្ហើបឱ្យដឹងផងដែរថា រូបលោកនឹងឈរឈ្មោះជាប្រធានាធិបតីហ្វីលីពីន បន្ទាប់ពីចូលនិវត្តន៍ពីកីឡាប្រដាល់ផងដែរ ៕

ចុចអាន៖ កូនស្រី Pacquiao មិនចង់ឱ្យឪពុកប្រកួតឡើងវិញ ផ្ទុយពីអ្នកគាំទ្រភាគច្រើន

ប្រែសម្រួល៖ មុន្នី រម្យ ប្រភព៖ express