កូនស្រី Pacquiao មិនចង់ឱ្យឪពុកប្រកួតឡើងវិញ ផ្ទុយពីអ្នកគាំទ្រភាគច្រើន
- 2015-05-05 13:15:24
- ចំនួនមតិ 0 | ចំនួនចែករំលែក 0
កូនស្រី Pacquiao មិនចង់ឱ្យឪពុកប្រកួតឡើងវិញ ផ្ទុយពីអ្នកគាំទ្រភាគច្រើន
ចន្លោះមិនឃើញ
កូនស្រីពៅ Manny Pacquiao ឈ្មោះ Princess មិនចង់ឱ្យឪពុកទៅឡើងប្រកួតសងសឹកជាមួយ Floyd Mayweather ទៀតទេ ខណៈប្រជាជនហ្វីលីពីន និងអ្នកគាំទ្ររបស់លោកទាំងអស់ កំពុងតែសង្ឃឹមថានឹងអាចមានប្រកួតសងសឹកនៅខែកញ្ញាខាងមុខនេះ។
Pacquiao ចាញ់ Floyd ដោយពិន្ទុកាលពីថ្ងៃអាទិត្យកន្លងទៅនេះ បានធ្វើឱ្យអ្នកគាំទ្រជាច្រើនមិនអស់ចិត្តនោះទេ ព្រោះពួកគេឃើញកីឡាករហ្វីលីពីនវាយច្រើនជាងកីឡាករអាមេរិក។ ដោយសំអាងលើហេតុផលនេះ ក៏មានមតិជាច្រើនបានលើកឡើងដែរថា ចង់ឃើញការប្រកួតរវាងអ្នកទាំងពីរនេះជាថ្មីម្ដងទៀត ហើយសូមឱ្យធ្វើឡើងនៅទឹកដីកណ្ដាល ដើម្បីកុំឱ្យមានពាក្យចាញ់ប្រៀប។
តែផ្ទុយពីសម្ដីរបស់អ្នកគាំទ្រខាងលើនេះ ក្រុមគ្រួសារ ជាពិសេសគឺកូនពៅស្រីរបស់ Pacman បាននិយាយថាមិនចង់ឃើញឪពុករបស់ខ្លួនឡើងប្រកួតជាមួយ Floyd ទៀតទេ ហើយក៏សូមអរគុណដល់ព្រះជាម្ចាស់ផងដែរ ដែលជួយឱ្យឪពុករបស់គេមិនមានរបួសអ្វីធ្ងន់ធ្ងរអំឡុងការប្រកួតនេះ។ បន្ថែមពីលើនេះដែរ កុមារីអាយុ៦ឆ្នាំរូបនេះបាននិយាយទៀតថា ឪពុករបស់នាងមិនមែនឡើងសង្វៀនប្រកួតដើម្បីក្រុមគ្រួសារនោះទេ គឺដើម្បីតែខ្លួនឯងប៉ុណ្ណោះ។
សូមបញ្ជាក់បន្តិចថា បន្ទាប់ពីប្រកួតជាមួយ Floyd ចប់ភ្លាម កីឡាករសញ្ជាតិហ្វីលីពីនខាងលើនេះ បាននិយាយថារូបគេនឹងទៅលំហែកាយជាមួយក្រុមគ្រួសារសិន មិនទាន់គិតដល់រឿងសងសឹកនោះទេ ៕
ចុចអាន៖Floyd ឡើងវ៉ៃមួយប្រកួតទៀតមុនចូលនិវត្តន៍ តែមិនដឹងប៉ះនរណា
ប្រែសម្រួល៖ មុន្នី រម្យ ប្រភព៖ kickerdaily