កាមេរ៉ាទូរសព្ទឆ្លាតវៃ អាចដឹងពីជំងឺមហារីកភ្នែកកុមារបាន
- 2015-05-18 17:04:09
- ចំនួនមតិ 0 | ចំនួនចែករំលែក 0
កាមេរ៉ាទូរសព្ទឆ្លាតវៃ អាចដឹងពីជំងឺមហារីកភ្នែកកុមារបាន
ចន្លោះមិនឃើញ
កាមេរ៉ានៅលើទូរសព្ទ Smartphone អាចវិនិឆ្ឆ័យដឹងបានពីរោគសញ្ញាជំងឺមហារីកក្នុងគ្រាប់ភ្នែករបស់កុមារក្រោមអាយុ៥ឆ្នាំបាន។ នេះបើតាមការឲ្យដឹងពីអ្នកជំនាញរបស់អង់គ្លេស។
យោងតាមអង្កការ Childhood Eye Cancer Trust (CHECT) របស់អង់គ្លេសបានឲ្យដឹងថា Flash ដែលបញ្ចេញដោយកាមេរ៉ារបស់ smartphone អាចចាប់យកស្នាមនៃរោគសញ្ញាប្រភេទជំងឺមហារីកកាចសាហាវក្នុងគ្រាប់ភ្នែក (Retinoblastoma) បាន។ (Retinoblastoma) គឺជា ប្រភេទជំងឺមហារីកមួួយដែលភាគច្រើនកើតមាននៅលើមនុស្សក្មេងៗក្រោមអាយុ៥ឆ្នាំ ហើយជំងឺមហារីកប្រភេទនេះអាចបង្កឲ្យស្លាប់ ឬពិការភ្នែកថែមទៀតផង ប្រសិនបើព្យាបាលមិនទាន់។
ជាក់ស្ដែងកាលពីឆ្នាំមុន ស្ដ្រីម្នាក់ឈ្មោះ Eilise Somers បានឃើញស្នាមព័ណ៌សនៅក្នុងគ្រាប់ភ្នែករបស់កូនគាត់ក្នុងរូបថតដែលបានថតដោយកាមេរ៉ា Smartphone ហើយគាត់ក៏បានយកនាងនៅក្នុងមន្ទីរពេទ្យ។ មន្ទីរពេទ្យបានឲ្យដឹងថា កូនរបស់គាត់មានជំងឺមហារីកគ្រាប់ភ្នែក (retinoblastoma)មែន។ ជាមួយគ្នានេះដែរ មានករណីបែបនេះក៏បានកើតឡើងលើក្មេងប្រុសអាយុ២ឆ្នាំម្នាក់ដែរ នៅក្នុងរដ្ឋ Illinois សហរដ្ឋអាមេរិក។
អានបន្ត៖ អ្នកជំនាញបំភ្លឺរឿង “ដោតសាកថ្មទូរសព្ទចោលរហូតពេញមួយយប់ ត្រឹមត្រូវដែរអត់?”
ប្រែសម្រួល៖ សំនៀង
ប្រភព៖ popularmechanics
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
